doctors day ಮಹಾಗಣಪತಿ ಕಾಲೇಜಿನಲ್ಲಿ ವೈದ್ಯರ ದಿನಾಚರಣೆ

ಹುಬ್ಬಳ್ಳಿ: doctors day ಧಾರವಾಡ ಹೊಯ್ಸಳ ನಗರದ ಶ್ರೀ ಗುರು ಶಿಕ್ಷಣ ಸಂಸ್ಥೆಯ ಮಹಾ ಗಣಪತಿ ಆಯುರ್ವೇದ ಮೆಡಿಕಲ್​ ಕಾಲೇಜಿನಲ್ಲಿ ವೈದ್ಯರ ದಿನ ಆಚರಿಸಲಾಯಿತು.

ಅಧ್ಯಕ್ಷತೆ ವಹಿಸಿದ್ದ ಡಾ. ಅಶೋಕ ಬಂಗಾರಶೆಟ್ಟರ ಅವರು, ವೈದ್ಯರ ವೃತ್ತಿಪರತೆ ಹಾಗೂ ಕರ್ತವ್ಯಗಳ ಬಗ್ಗೆ ಮಾರ್ಮಿಕವಾಗಿ ಮಾತನಾಡಿದರು.

ಪ್ರಾಸ್ತಾವಿಕವಾಗಿ ಮಾತನಾಡಿದ ಪ್ರಾಚಾರ್ಯ ಡಾ. ಎಸ್​.ವಿ. ತೆಗ್ಗಿ, ಸಮಾಜದಲ್ಲಿ ವೈದ್ಯರ ಪಾತ್ರ ಬಹಳ ಮುಖ್ಯವಾದುದು, ಸರಳತೆ ಹಾಗೂ ಕಾಳಜಿಯಿಂದ ರೋಗಿಗಳಿಗೆ ಚಿಕಿತ್ಸೆ ನೀಡಿ ಒಳ್ಳೆಯ ವೈದ್ಯರಾಗಲು ವಿದ್ಯಾರ್ಥಿಗಳಿಗೆ ಸಲಹೆ ನೀಡಿದರು.

ಟ್ರಸ್ಟ್​ ನಿರ್ದೇಶಕ ಡಾ. ವೀರೇಶ ಹಿರೇಮಠ, ಹಿರಿಯ ಪ್ರಾಧ್ಯಾಪಕ ಡಾ. ಮೋಹನ ನುಚ್ಚಿ, ಪ್ರಾಧ್ಯಾಪಕಿ ಡಾ. ಲಕ್ಷ್ಮಿ ಪಟ್ಟಣ ಅವರು ಮಾತನಾಡಿದರು.

ಸಿದ್ಧರಾಮೇಶ ತಾರಿವಾಳ ಅವರು ಟ್ರಸ್ಟ್​ ಕಾರ್ಯದರ್ಶಿಯಾಗಿ ಅಧಿಕಾರ ವಹಿಸಿಕೊಂಡರು.