(incomex) ಇನ್‌ಕಾಮೆಕ್ಸ್ ಆಯೋಜಿಸುವ ಕುರಿತು ಚರ್ಚೆ

ಬೃಹತ್ ಹಾಗೂ ಮಧ್ಯಮ ಕೈಗಾರಿಕೆಗಳು ಈ ವಸ್ತು ಪ್ರದರ್ಶನದಲ್ಲಿ ಭಾಗವಹಿಸಲು ಸೂಚಿಸಲಾಗುವುದು. ದೇಶ ಹಾಗೂ ವಿದೇಶ ಕಂಪನಿಗಳು ಕೂಡ ಇದರಲ್ಲಿ ಭಾಗವಹಿಸಲು ಪ್ರೋತ್ಸಾಹಿಸಿ ಸಹಕಾರ ನೀಡುವ ಕುರಿತು ನಿಯೋಗಕ್ಕೆ ಸಕಾರಾತ್ಮಕವಾಗಿ ಸ್ಪಂದಿಸಿದರು. ದೇಶದ ಪ್ರಮುಖ ಬೃಹತ್ ಕೈಗಾರಿಕಾ ಘಟಕ, ಸಾರ್ವಜನಿಕ ವಲಯದ ಉದ್ದಿಮೆಗಳು ಪ್ರದರ್ಶನದಲ್ಲಿ ಭಾಗವಹಿಸಲು ಸಂಬಂಧಿಸಿದ ಇಲಾಖೆಗೆ ನಿರ್ದೇಶನ ನೀಡುವ ಕುರಿತು ಸಚಿವ ಎಚ್‌ಡಿಕೆ ಭರವಸೆ ನೀಡಿದರು.

ಕರ್ನಾಟಕ ಕೈಗಾರಿಕಾ ವಲಯದ ವಿಸ್ತರಣೆ, ನವೀನ ತಂತ್ರಜ್ಞಾನ ಪ್ರದರ್ಶನ, ಹೂಡಿಕೆ ಅವಕಾಶಗಳ ವೃದ್ಧಿ ಮತ್ತು ಉದ್ಯಮ ಸ್ನೇಹಿ ವಾತಾವರಣ ನಿರ್ಮಾಣಕ್ಕೆ ಇನ್‌ಕಾಮೆಕ್ಸ್ 2026 ವೇದಿಕೆ ಮಹತ್ತರ ಪಾತ್ರ ವಹಿಸಲಿದೆ ಎಂದು ಸಂಸ್ಥೆಯ ಪದಾಧಿಕಾರಿಗಳು ಸಚಿವರಿಗೆ ಮನವರಿಕೆ ಮಾಡಿದರು. ಇದೇ ವೇಳೆ ಕೇಂದ್ರ ಸಚಿವರಾದ ಪ್ರಲ್ಹಾದ ಜೋಶಿ ಹಾಗೂ ಎಚ್.ಡಿ. ಕುಮಾರಸ್ವಾಮಿ ಅವರಿಗೆ ಸಂಸ್ಥೆಯ ಪರವಾಗಿ ಅಭಿನಂದನೆ ಸಲ್ಲಿಸಲಾಯಿತು.

ಕೆಸಿಸಿಐ ಉಪಾಧ್ಯಕ್ಷರಾದ ಸಿದ್ದೇಶ್ವರ ಕಮ್ಮಾರ, ವೀರಣ್ಣ ಕಲ್ಲೂರ, ಕಾರ್ಯದರ್ಶಿಗಳಾದ ಉದಯ ರೇವಕರ, ಪ್ರಕಾಶ ಶೃಂಗೇರಿ, ಇತರರು ಇದ್ದರು.