ಧಾರವಾಡ: ರಾಜೀವಗಾಂಧಿ ನಗರದಲ್ಲಿರುವ ಶ್ರೀ ಅಲ್ಲೀಪುರ ಮಹಾದೇವ ತಾತನವರ ಮಠದಲ್ಲಿ ಫೆ. 7 ಹಾಗೂ 8ರಂದು ಶ್ರೀ ಮಹಾದೇವ ತಾತನವರ 38ನೇ ವರ್ಷದ ಪುಣ್ಯಾರಾಧನೆ ಏರ್ಪಾಟಾಗಿದೆ. 7 ರಂದು ಬೆಳಗ್ಗೆ 7.10ಕ್ಕೆ ಷಟ್ಸ್ಥಳ ಧ್ವಜಾರೋಹಣ. 10ಕ್ಕೆ ತಾತನವರ ವಸಂತೋತ್ಸವ ಹಾಗೂ ತೆಪ್ಪೋತ್ಸವ. ಸಂಜೆ 6ಕ್ಕೆ ದೀಪಾಲಂಕಾರ, ಗಾನ ಸುಧಾ ಕಾರ್ಯಕ್ರಮ. ಶೀತಲ ಜೋಶಿ ಮತ್ತು ಸಂಗಡಿಗರು, ಪ್ರಣಮ್ಯದೇವಿ ಹಿರೇಮಠ, ಮಾನ್ಯತಾ ಕೋಟಿಮಠ ಅವರಿಂದ ಭರತನಾಟ್ಯ ಸೇವೆ, ಸುರೇಶ ಗಾಡಿ ಅಧ್ಯಕ್ಷತೆ ವಹಿಸುವರು. ಡಾ. ವೀಣಾ ಬಿರಾದಾರ ಅತಿಥಿಗಳಾಗಿ ಭಾಗವಹಿಸುವರು. 8ರಂದು ಬೆಳಗ್ಗೆ 5ಕ್ಕೆ ತಾತನವರ ಗದ್ದುಗೆಗೆ ರುದ್ರಾಭಿಷೇಕ. 5.30ಕ್ಕೆ ಅಗ್ರೋದಕ ತರುವುದು. 7ಕ್ಕೆ ಅಗ್ನಿಕುಂಡ ಕಾರ್ಯಕ್ರಮ. 9ಕ್ಕೆ ತಾತನವರ ಪಲ್ಲಕ್ಕಿ ಉತ್ಸವ, 10.30ಕ್ಕೆ ಆರಾಧನಾ ಮಹೋತ್ಸವ. 11ಕ್ಕೆ ಉಚಿತ ಸಾಮೂಹಿಕ ವಿವಾಹ ಕಾರ್ಯಕ್ರಮ ಜರುಗಲಿದ್ದು, ನಂತರ ಮಹಾಪ್ರಸಾದ ವ್ಯವಸ್ಥೆ ಇದೆ. ನರಗುಂದ ವಿರಕ್ತಮಠದ ಶ್ರೀ ಶಿವಕುಮಾರ ಸ್ವಾಮೀಜಿ ಸಾನ್ನಿಧ್ಯ ವಹಿಸುವರು. ರುದ್ರೇಶ ಹರಕುಣಿ ಅಧ್ಯಕ್ಷತೆ ವಹಿಸುವರು. ಅತಿಥಿಗಳಾಗಿ ಹುಬ್ಬಳ್ಳಿ ವಾಣಿಜ್ಯ ತೆರಿಗೆ ಇಲಾಖೆ ನಿವೃತ್ತ ಉಪ ಆಯುಕ್ತ ಗೋವಿಂದಪ್ಪ ಗೌಡಪ್ಪಗೋಳ ಪಾಲ್ಗೊಳ್ಳವರು ಎಂದು ಶ್ರೀ ಮಹಾದೇವ ತಾತನವರ ಸದ್ಭಕ್ತ ಮಂಡಳಿ ತಿಳಿಸಿದೆ.
