`ಧಾರವಾಡ ನುಡಿ ಸಡಗರ' ಡಿ.27ರಿಂದ

ಶುಕ್ರವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, 27ರಂದು ಬೆಳಗ್ಗೆ 10.30ಕ್ಕೆ ಕವಿವಿ ಕುಲಪತಿ ಪ್ರೊ. ಎ.ಎಂ. ಖಾನ್ ಉದ್ಘಾಟಿಸುವರು. ಕನಕ ಅಧ್ಯಯನ ಪೀಠದ ಸಂಯೋಜಕ ಡಾ. ಹನುಮಗೌಡ ಸಿ. ಆಶಯ ನುಡಿಗಳನ್ನಾಡಲಿದ್ದು, ಮುಖ್ಯ ಅತಿಥಿಯಾಗಿ ಡಾ. ರಾಜಶೇಖರ ಮಠಪತಿ, ಡಾ. ಶರಣು ಮುಷ್ಠಿಗೇರಿ, ಡಾ. ಶರಣಬಸಪ್ಪ ಯತ್ನಳ್ಳಿ ಸೇರಿ ಗಣ್ಯರು ಆಗಮಿಸುವರು ಎಂದರು.

ಬೆಳಗ್ಗೆ 11.30ಕ್ಕೆ `ಕನಕದಾಸರ ಕೀರ್ತನೆಗಳಲ್ಲಿ ಧರ್ಮ, ಸಂಸ್ಕೃತಿಯ ಧೋರಣೆಗಳು' ವಿಷಯ ಕುರಿತು ಮೊದಲ ಗೋಷ್ಠಿ ನಡೆಯಲಿದೆ. ಡಾ.ಸಿ.ಡಿ. ದೊಡ್ಡಮನಿ ವಿಷಯ ಮಂಡಿಸುವರು. ಗದಗದ ಸಾಹಿತಿ ಡಾ.ಆರ್.ಜಿ. ಚಿಕ್ಕಮಠ ಅಧ್ಯಕ್ಷತೆ ವಹಿಸುವರು. ಮಧ್ಯಾಹ್ನ 1.30ಕ್ಕೆ `ಗಜಲ್ ಆಚೆ, ಈಚೆ' ಗೋಷ್ಠಿ ನಡೆಯಲಿದೆ. ಲೇಖಕಿ ನಿರ್ಮಲಾ ಶೆಟ್ಟರ್ ಆಶಯ ನುಡಿಗಳನ್ನಾಡುವರು. ಬಳಿಕ ಸಾಂಸ್ಕೃತಿಕ ಕಾರ್ಯಕ್ರಮ, ಡಾ. ಸುಧಾರಾಣಿ ಎನ್., ಡಾ. ತೇಜಸ್ವಿ ಕಿರಣ, ಡಾ.ಆರ್.ಜಿ. ಚಿಕ್ಕಮಠ ಸೇರಿದಂತೆ ವಿವಿಧ ಕ್ಷೇತ್ರದ 50 ಸಾಧಕರಿಗೆ ವಿವಿಧ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮ ನಡೆಯಲಿದೆ ಎಂದು ತಿಳಿಸಿದರು.

28ರಂದು ಬೆಳಗ್ಗೆ 10 ಗಂಟೆಗೆ ಬೇಂದ್ರೆ ಕಾವ್ಯದ ದೇಶಿಯತೆ, ಕಾವ್ಯ ವಾಚನ ಹಾಗೂ ಮುಕ್ತ ಸಂವಾದ ಗೋಷ್ಠಿ ನಡೆಯಲಿದೆ. ಲೇಖಕ ಡಾ. ಪ್ರಕಾಶ ಖಾಡೆ ಅಧ್ಯಕ್ಷತೆ ವಹಿಸುವರು. ಜನಪದ ಕಲಾವಿದ ಶಂಕರ ಬೈಚಬಾಳ ವಿಷಯ ಮಂಡಿಸುವರು. ಮಹದೇವ ಬಸರಕೋಡ ಆಶಯ ನುಡಿಗಳನ್ನಾಡುವರು. ಮಧ್ಯಾಹ್ನ 1.30ಕ್ಕೆ `ರಂಗಭೂಮಿ, ಚಲನಚಿತ್ರ ಕಲಾವಿದರ, ತಂತ್ರಜ್ಞರ ಬದುಕಿನ ಕಥೆಗಳು' ವಿಷಯ ಕುರಿತು ಗೋಷ್ಠಿ ನಡೆಯಲಿದೆ. ಹಿರಿಯ ರಂಗಕರ್ಮಿ ಡಾ. ಶಶಿಧರ ನರೇಂದ್ರ ಅಧ್ಯಕ್ಷತೆ ವಹಿಸುವರು ಎಂದು ಹೇಳಿದರು.

ಮಧ್ಯಾಹ್ನ 3.30ಕ್ಕೆ ಸಮಾರೋಪ, ಸಾಧಕರಿಗೆ ಪ್ರಶಸ್ತಿ ಪ್ರದಾನ ಹಾಗೂ ಸನ್ಮಾನ ಕಾರ್ಯಕ್ರಮ ನಡೆಯಲಿದೆ. ಕಸಾಪ ಜಿಲ್ಲಾಧ್ಯಕ್ಷ ಡಾ. ಲಿಂಗರಾಜ ಅಂಗಡಿ ಪ್ರಶಸ್ತಿ ಪ್ರದಾನ ಮಾಡುವರು. ಅತಿಥಿಗಳಾಗಿ ಸಾಹಿತಿ ಸುರೇಶ ಕೋರಕೊಪ್ಪ, ಎಲ್.ಐ. ಲಕ್ಕಮ್ಮನವರ, ಅನುಪಮಾ ಹಂಸಭಾವಿ, ಮೃತ್ಯುಂಜಯ ವಸ್ತçದ, ದಾನೇಶ ಬಿಂದಲಗಿ, ಪೂರ್ಣಿಮಾ ಕುಂಬಾರ ಆಗಮಿಸುವರು. ಇದೇ ವೇಳೆ ಡಾ. ಉಮೇಶ ತಿಮ್ಮಾಪುರ ಅವರ `ಕಗ್ಗಲ್ಲ ಕ್ರಾಸ್ ಕಥಾ ಸಂಕಲನ'ಕ್ಕೆ 2025ನೇ ಸಾಲಿನ ಅತ್ಯುತ್ತಮ ಕಥಾ ಸಂಕಲನ ಪ್ರಶಸ್ತಿ ಪ್ರದಾನ ನಡೆಯಲಿದೆ ಎಂದರು. ರಾಜೇಂದ್ರಕುಮಾರ ಮಠ ಇದ್ದರು.