dental ಎಐ ದಂತ ತಪಾಸಣೆ ಶಿಬಿರ 1ರಿಂದ

ಹುಬ್ಬಳ್ಳಿ: dental ಇಲ್ಲಿಯ ಗೋಕುಲರಸ್ತೆಯ ಬಸವೇಶ್ವರ ನಗರದಲ್ಲಿ ಧೋತ್ರದ ಸನ್ನಿ ಡೆಂಟಲ್​ ಆ್ಯಂಡ್​ ಆರ್ಥೊಡಾಂಟಿಕ್ಸ್ ಕ್ಲಿನಿಕ್​ನಲ್ಲಿ ಅತ್ಯಾಧುನಿಕ ಎಐ ಚಾಲಿತ ದಂತ ಚಿಕಿತ್ಸೆ ಹಾಗೂ ತಪಾಸಣೆ ಸೌಲಭ್ಯವನ್ನು ಪರಿಚಯಿಸಲಾಗುತ್ತಿದೆ ಎಂದು ದಂತವೈದ್ಯ ಡಾ. ಇಗ್ನೇಷಿಯಸ್​ ಫೆರ್ನಾಂಡಿಸ್ ತಿಳಿಸಿದರು.

ನಗರದಲ್ಲಿ ಶುಕ್ರವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಮಾರ್ಚ್​ 1ರಂದು ಬೆಳಗ್ಗೆ 10ಕ್ಕೆ ಉತ್ತರ ಕರ್ನಾಟಕದ ಮೊದಲ ಚೆಕ್​ ಅಪ್​ ರೋಬೋಟ್​ ಅನ್ನು ಕೇಂದ್ರ ಸಚಿವ ಪ್ರಲ್ಹಾದ ಜೋಶಿ ಉದ್ಘಾಟಿಸುವರು. ಶಾಸಕರಾದ ಮಹೇಶ ಟೆಂಗಿನಕಾಯಿ, ಅರವಿಂದ ಬೆಲ್ಲದ, ಮೇಯರ್​ ಜ್ಯೋತಿ ಪಾಟೀಲ ಪಾಲ್ಗೊಳ್ಳುವರು ಎಂದರು.

ಉತ್ತರ ಕರ್ನಾಟಕ ಭಾಗದ ಜನರಿಗೆ ಮೊದಲ ಬಾರಿ ದಂತಗಳ ಚಿಕಿತ್ಸೆಗಾಗಿ ಕೃತಕ ಬುದ್ದಿಮತ್ತೆಯ ಡೆಂಟಲ್​ ಚೆಕ್​ ಅಪ್​ ರೋಬೋಟ್​ ಪರಿಚಯಿಸಲಾಗುತ್ತಿದೆ. 27 ವರ್ಷಗಳಿಂದ ಧೋತ್ರದ ಕ್ಲಿನಿಕ್​ ಸಾವಿರಾರು ಜನರಿಗೆ ಸೇವೆ ನೀಡಿದೆ. ಇದರ ಸ್ಥಾಪಕಿಯಾದ, ನನ್ನ ತಾಯಿ ಡಾ. ಶಿವಲೀಲಾ ಧೋತ್ರದ ಅವರು ಓರ್ವ ದಂತ ವೈದ್ಯರಾಗಿ, ಇಂಡಿಯನ್​ ಡೆಂಟಲ್​ ಅಸೋಸಿಯೇಶನ್​ ಮೊದಲ ಮಹಿಳಾ ಕಾರ್ಯದರ್ಶಿ, ಅಧ್ಯಕ್ಷರಾಗಿ ಸೇವೆ ಸಲ್ಲಿಸಿದ್ದಾರೆ ಎಂದರು. ಇದೀಗ ಅವರ ಮಾರ್ಗದರ್ಶನದಲ್ಲಿ ಜನರಿಗೆ ಮತ್ತಷ್ಟು ಗುಣಮಟ್ಟದ ಸೇವೆ ನೀಡಬೇಕೆಂಬ ಉದ್ದೇಶದೊಂದಿಗೆ ಡಿಜಿಟಲ್​ ಸೇವೆ ಪ್ರಾರಂಭಿಸಲಾಗಿದೆ ಎಂದರು.

ಡಾ. ಆರ್ಥರ್​ ಫೆರ್ನಾಂಡಿಸ್. ಲೀಲಾ ಪಾಸ್ತೆ ಇದ್ದರು.