congress protest ಚಹಾ ತಯಾರಿಸಿ ಮಹಿಳಾ ಕಾಂಗ್ರೆಸ್ ಪ್ರತಿಭಟನೆ

ರಸ್ತೆ ಮೇಲೆ ಸೌದೆ ಒಲೆ ಹಚ್ಚಿ ಚಹಾ ತಯಾರಿಸಿ, ಸಾರ್ವಜನಿಕರಿಗೆ ಹಂಚುವ ಮೂಲಕ ಮೋದಿ ಸರ್ಕಾರದ ವಿರುದ್ಧ ೋಷಣೆ ಕೂಗಲಾಯಿತು.

ಹು-ಧಾ ಮಹಾನಗರ ಮಹಿಳಾ ಕಾಂಗ್ರೆಸ್ ಜಿಲ್ಲಾಧ್ಯಕ್ಷೆ ಗೌರಮ್ಮ ಬಲೋಗಿ ಮಾತನಾಡಿ, ಸಿಲಿಂಡರ್ ಬೆಲೆ ನಿರಂತರವಾಗಿ ಏರಿಕೆಯಾಗುತ್ತಿದೆ. ಇದರ ಹೊರೆ ಜನಸಾಮಾನ್ಯರು ಹಾಗೂ ಬಡ ಕುಟುಂಬಗಳ ಮೇಲೆ ಬೀಳುತ್ತಿದೆ. ತಕ್ಷಣವೇ ಸಿಲಿಂಡರ್ ದರ ಇಳಿಸಿ ಪರಿಹಾರ ನೀಡಬೇಕು ಎಂದು ಒತ್ತಾಯಿಸಿದರು.

ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷೆ ಸ್ನೇಹಾ ಪ್ರಕಾಶ ಜಾಧವ, ಮೇಘನಾ ಹಿರೇಮಠ, ವಾರ್ಡ್ ಅಧ್ಯಕ್ಷೆ ರೇಖಾ ಜಟ್ಟಪ್ಪನವರ, ಪ್ರಮುಖರಾದ ಸುಜಾತ ಹಾಲಣ್ಣವರ, ಗೀತಾ ಶೆಟ್ಟಿ, ಸುನಂದಾ ಕುಸುಗಲ್, ರೂಪಾ ಕುರಹಟ್ಟಿ, ಗೀತಾ ಪಾಟೀಲ, ಬಸಮ್ಮ ಹಾದಿಮನಿ, ರೇಷ್ಮಾ ಶೇಖ್ ಸನದಿ ಭಾಗವಹಿಸಿದ್ದರು.