ಕುಂದಗೋಳವು ಭಾವೈಕ್ಯದ ನೆಲೆವೀಡಾಗಿದ್ದು, ಮುಂಬರುವ ಹೋಳಿ ಹಾಗೂ ರಂಜಾನ್ ಹಬ್ಬಗಳನ್ನು ಎಲ್ಲರೂ ಶಾಂತಿಯುತವಾಗಿ ಆಚರಿಸಬೇಕು. ಹಬ್ಬದ ನೆಪದಲ್ಲಿ ಕಾನೂನು ಮೀರಿ ವರ್ತಿಸುವ ಅಥವಾ ಶಾಂತಿಗೆ ಭಂಗ ತರುವವರ ವಿರುದ್ಧ ಪೊಲೀಸ್ ಇಲಾಖೆ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳಲಿದೆ. ಪ್ರತಿಯೊಬ್ಬರೂ ಪರಸ್ಪರರ ಧರ್ಮ ಮತ್ತು ಸಂಪ್ರದಾಯಗಳನ್ನು ಗೌರವಿಸಿ, ಸೌಹಾರ್ದದಿಂದ ಹಬ್ಬ ಆಚರಿಸಬೇಕು ಎಂದರು. ಪಪಂ ಮಾಜಿ ಅಧ್ಯಕ್ಷ ಶಾಮಸುಂದರ ದೇಸಾಯಿ, ಮಂಜುನಾಥ ಹಿರೇಮಠ, ಗಣೇಶ ಕೋಕಾಟೆ, ಪ್ರವೀಣ ಬಡ್ನಿ, ಮಲೀಕ್ ಶಿರೂರ, ನಾಗರಾಜ ದೇಶಪಾಂಡೆ, ಶಂಕ್ರಪ್ಪ ಗೌರಿ, ಲಕ್ಷ್ಮಣ ಚುಳಕಿ, ಕಹಿಂ ನಾಲಬಂದ, ಜಾಫರಸಾಬ್ ಕ್ಯಾಲಕೊಂಡ, ವಿಠ್ಠಲ ಚವ್ಹಾಣ, ಮುತ್ತಣ್ಣ ಕೊಪ್ಪದ, ಪಾಂಡು ಕುಂಕೂರ, ಶರೀಫ ಜೋಗಮ್ಮನವರ, ಈರಣ್ಣ ನಾಗಣ್ಣವರ ಇತರರಿದ್ದರು.
