bright MBA ಹುಬ್ಬಳ್ಳಿಯ ಬ್ರೈಟ್ ಬಿಜಿನೆಸ್ ಸ್ಕೂಲ್ನಲ್ಲಿ ಐಕ್ರಿಯೇಟ್ ಎಂಟರ್ಪ್ರೆನ್ಯೂರ್ಶಿಪ್ ಉದ್ಘಾಟಿಸಲಾಯಿತು. ಪ್ರೊ. ಜೈದೀಪ ಪ್ರಭು, ಡಾ. ಪ್ರಸಾದ ರೂಡಗಿ, ಸಂತೋಷ ಹುರಳಿಕೊಪ್ಪಿ, ಡಾ. ವಿ.ಎಂ. ಕೊರವಿ, ಪಲ್ಲವಿ, ಇತರರು ಇದ್ದರು.
ಬ್ರೈಟ್ ನಲ್ಲಿ ಐಕ್ರಿಯೇಟ್ ಎಂಟರ್ಪ್ರೆನ್ಯೂರ್ಶಿಪ್ ಉದ್ಘಾಟನೆ
ಹುಬ್ಬಳ್ಳಿ: bright MBA ಕೇವಲ ವ್ಯವಹಾರಗಳನ್ನು ಪ್ರಾರಂಭಿಸುವುದು ಉದ್ಯಮಶೀಲತೆಯಾಗುವುದಿಲ್ಲ ಬದಲಾಗಿ, ಪ್ರಾಯೋಗಿಕ, ಕೈಗೆಟುಕುವ ಮತ್ತು ಎಲ್ಲರನ್ನೂ ಒಳಗೊಳ್ಳುವ ರೀತಿಯಲ್ಲಿ ಸಮಸ್ಯೆಗಳನ್ನು ಪರಿಹರಿಸುವುದಾಗಿದೆ ಎಂದು ಯುಕೆ ಕೇಂಬ್ರಿಡ್ಜ್ ವಿಶ್ವವಿದ್ಯಾಲಯ ಮಾರ್ಕೆಟಿಂಗ್ ಪ್ರಾಧ್ಯಾಪಕ ಜೈದೀಪಪ್ರಭು ಹೇಳಿದರು.
ಇಲ್ಲಿಯ ಗೋಕುಲ ರಸ್ತೆ ಬ್ರೈಟ್ ಬಿಜಿನೆಸ್ ಸ್ಕೂಲ್ನಲ್ಲಿ ಏರ್ಪಡಿಸಿದ್ದ ಸಮಾರಂಭದಲ್ಲಿ ಐಕ್ರಿಯೇಟ್ ಎಂಟರ್ಪ್ರೆನ್ಯೂರ್ಶಿಪ್ ಘಟಕವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.
ಎನ್ಎಸ್ ಇನ್ಫೋಟೆಕ್ ಸಿಇಒ ಸಂತೋಷ ಹುರಳಿಕೊಪ್ಪಿ ಮಾತನಾಡಿ, ಬ್ರೈಟ್ ಬಿಜಿನೆಸ್ ಸ್ಕೂಲ್ ಐಕ್ರಿಯೇಟ್ ಉದ್ಯಮಶೀಲತಾ ಕೋಶವನ್ನು ಸ್ಥಾಪಿಸುವಲ್ಲಿ ತೆಗೆದುಕೊಂಡ ಚಿಂತನಶೀಲ ಉಪಕ್ರಮ ಮೆಚ್ಚುವಂತದ್ದು ಎಂದರು.
ಬ್ರೈಟ್ ಬಿಜಿನೆಸ್ ಸ್ಕೂಲ್ ನಿರ್ದೇಶಕ ಡಾ. ಪ್ರಸಾದ ರೂಡಗಿ ಮಾತನಾಡಿ, ವಿದ್ಯಾರ್ಥಿಗಳು ಉದ್ಯಮಿಯಾಗುವ ಕನಸು ಕಾಣಬೇಕು ಮತ್ತು ಸಮಾಜಕ್ಕೆ ಕೊಡುಗೆ ನೀಡಬೇಕು. ಐಕ್ರಿಯೇಟ್ ಉದ್ಯಮಶೀಲತಾ ಕೋಶವು ವಿದ್ಯಾರ್ಥಿಗಳಲ್ಲಿ ನಾವೀನ್ಯ ನಾಯಕತ್ವ ಮತ್ತು ಉದ್ಯಮಶೀಲತಾ ಮನೋಭಾವವನ್ನು ಬೆಳೆಸಲು ವೇದಿಕೆಯಾಗಿ ಕಾರ್ಯನಿರ್ವಹಿಸುತ್ತದೆ ಎಂದು ಹೇಳಿದರು.
"ಲೀನ್ ಸ್ಪಾರ್ಕ್-ಪ್ರುಗಲ್ ಬೈ ಡಿಸೈನ್, ಗ್ಲೋಬಲ್ ಇನ್ ಇಂಪ್ಯಾಕ್ಟ್' ಪುಸ್ತಕವನ್ನು ಬಿಡುಗಡೆ ಮಾಡಲಾಯಿತು.
ಕರ್ನಾಟಕ ವಿಶ್ವವಿದ್ಯಾಲಯ ಅರ್ಥಶಾಸ್ತ್ರ ವಿಭಾಗದ ಪ್ರಾಧ್ಯಾಪಕ ಮತ್ತು ಡಿ.ಸಿ. ಪಾವಟೆ ಪ್ರತಿಷ್ಠಾನದ ಸಂಯೋಜಕ ಡಾ. ಬಿ.ಎಚ್. ನಾಗೂರ ಅತಿಥಿಯಾಗಿದ್ದರು. ಡಾ. ವಿ.ಎಂ. ಕೊರವಿ, ಡಾ. ವೀರಣ್ಣ ಡಿ.ಕೆ., ಸಹ ಪ್ರಾಧ್ಯಾಪಕ ಅಮಿತ ಅಂಗಡಿ ಉಪಸ್ಥಿತರಿದ್ದರು.
ಎಂಬಿಎ ವಿದ್ಯಾರ್ಥಿಗಳಾದ ಪದ್ಮಾವತಿ ಸಿಂಗ್ ಮತ್ತು ಅನುಷ್ಕಾ ಬಿರಾಜ್ದಾರ್ ಕಾರ್ಯಕ್ರಮ ನಿರ್ವಹಿಸಿದರು. ರಶ್ಮಿತಾ, ಅರುಂಧತಿ ಕಡೇಲಿ ಅತಿಥಿಗಳನ್ನು ಪರಿಚಯಿಸಿದರು. ದಿವ್ಯಾ ಮುರ್ಡೇಶ್ವರ ವಂದಿಸಿದರು.
