Ayurved survey ಸಿಸಿಆರ್​ಎಎಸ್​ ಸಮೀಕ್ಷೆಗೆ ಡಾ. ವೀರಯ್ಯ ಆಯ್ಕೆ

ಹುಬ್ಬಳ್ಳಿ: Ayurved survey ಭಾರತ ಸರ್ಕಾರದ ಆಯುಷ್​ ಸಚಿವಾಲಯದ ಅಡಿಯಲ್ಲಿ ಕಾರ್ಯನಿರ್ವಹಿಸುವ ಕೇಂದ್ರ ಆಯುರ್ವೇದ ಸಂಶೋಧನಾ ಮಂಡಳಿಯ (ಸಿಸಿಆರ್​ಎಎಸ್​) ನೇತ್ರ ಕ್ರಿಯಾಕಲ್ಪ ಚಿಕಿತ್ಸಾ ಪದ್ಧತಿಗಳ ರಾಷ್ಟ್ರೀಯ ಸಮೀಕ್ಷೆಗೆ ಧಾರವಾಡದ ಮಹಾಗಣಪತಿ ಆಯುರ್ವೇದ ವೈದ್ಯಕಿಯ ಮಹಾವಿದ್ಯಾಲಯ ಮತ್ತು ಆಸ್ಪತ್ರೆಯ ನಿರ್ದೇಶಕ, ಶಾಲಾಕ್ಯ ತಂತ್ರ ವಿಭಾಗದ ಮುಖ್ಯಸ್ಥ ಡಾ. ವೀರಯ್ಯ ಹಿರೇಮಠ ಅವರನ್ನು ತಜ್ಞ ವೈದ್ಯರಾಗಿ ಆಯ್ಕೆ ಮಾಡಲಾಗಿದೆ.

ಈ ಸಮೀಕ್ಷೆಯನ್ನು ಬೆಂಗಳೂರು ಕೇಂದ್ರ ಆಯುರ್ವೇದ ಸಂಶೋಧನಾ ಸಂಸ್ಥೆಯು (ಸಿಎಆರ್​ಐ), ದೇಶದಾದ್ಯಂತ ಇರುವ ಸಿಸಿಆರ್​ಎಸ್​ ಸಂಶೋಧನಾ ಸಂಸ್ಥೆಗಳು ಹಾಗೂ ಪ್ರಾದೇಶಿಕ ಕೇಂದ್ರಗಳ ಸಹಯೋಗದಲ್ಲಿ ನಡೆಸುತ್ತಿದೆ. ಆಯುರ್ವೇದದ ಪ್ರಮುಖ ಚಿಕಿತ್ಸೆಯಾದ ನೇತ್ರ ಕ್ರಿಯಾಕಲ್ಪ ವಿಧಾನಗಳ ವೈಜ್ಞಾನಿಕ ದಾಖಲೀಕರಣ ಮತ್ತು ಪ್ರಮಾಣೀಕರಣ ಈ ಸಮೀಕ್ಷೆಯ ಮುಖ್ಯ ಉದ್ದೇಶವಾಗಿದೆ.

ಯೋಜನೆಯ ಭಾಗವಾಗಿ ಡಾ. ವೀರಯ್ಯ ಹಿರೇಮಠ ಅವರು ಕನಿಷ್ಠ 10 ಚಿಕಿತ್ಸಾ ಪ್ರಕರಣಗಳನ್ನು ಧ್ವನಿ ಹಾಗೂ ದೃಶ್ಯ ಸಮೇತ (ಆಡಿಯೋ-ವೀಡಿಯೋ) ದಾಖಲಿಸಲಿದ್ದಾರೆ. ಇಂದಿನ ಡಿಜಿಟಲ್​ ಯುಗದಲ್ಲಿ ಕಣ್ಣಿನ ಸಮಸ್ಯೆಗಳು ಹೆಚ್ಚುತ್ತಿರುವ ಕಾರಣ, ಕ್ರಿಯಾಕಲ್ಪವು ಸುರಕ್ಷಿತ, ಪರಿಣಾಮಕಾರಿ ಚಿಕಿತ್ಸೆಯಾಗಿ ಮಹತ್ವ ಪಡೆದಿದೆ.