ಧಾರವಾಡ

Gram Panchayat ಗ್ರಾಮ ಪಂಚಾಯಿತಿ ಕೆಲಸಕ್ಕೆ ಗೈರು ಪಗಾರಕ್ಕೆ ಹಾಜರು

ಕಲಘಟಗಿ ತಾಲೂಕಿನ ಬಮ್ಮಿಗಟ್ಟಿ ಗ್ರಾಮ ಪಂಚಾಯಿತಿ Gram Panchayat ಕಾರ್ಯಾಲಯ.
ಕಲಘಟಗಿ ತಾಲೂಕಿನ ಬಮ್ಮಿಗಟ್ಟಿ ಗ್ರಾಮ ಪಂಚಾಯಿತಿ Gram Panchayat ಕಾರ್ಯಾಲಯ.
ಮಂಜುನಾಥ ಕೆಂಪಸಣ್ಣವರ
Published on: 

ಪ್ರಮುಖ ಮುಖ್ಯಾಂಶಗಳು

  • ರಜೆ ಹಾಕದ ತಮ್ಮ ಕೆಲಸಗಳಿಗೆ ತೆರಳಿದ್ದ ಗ್ರಾಪಂ ಸಿಬ್ಬಂದಿ
  • ಬಮ್ಮಿಗಟ್ಟಿ ಗ್ರಾಮಸ್ಥರ ಆಕ್ರೋಶ
ಕಲಘಟಗಿ: ತಾಲೂಕಿನ ಬಮ್ಮಿಗಟ್ಟಿ ಗ್ರಾಮ ಪಂಚಾಯತಿ (Gram Panchayat ) ಕಾರ್ಯಾಲಯದಲ್ಲಿ ಬಹುತೇಕ ಸಿಬ್ಬಂದಿ ಮೇಲಧಿಕಾರಿಗಳ ಗಮನಕ್ಕೆ ತರದೆ ಗೈರಾಗಿರುವ ಘಟನೆ ಗುರುವಾರ ನಡೆದಿದೆ.
ಗುಮಾಸ್ತ ಹಾಗೂ ಕಂಪ್ಯೂಟರ್ ಆಪರೇಟರ್ ಹೊರತುಪಡಿಸಿ ಉಳಿದವರೆಲ್ಲ ರಜೆಯನ್ನು ಹಾಕದೆ ಅನ್ಯ ಕಾರ್ಯಗಳಿಗೆ ತೆರಳಿದ್ದರಿಂದ ಗ್ರಾಪಂ ಕೆಲಸಗಳಿಗೆ ಬಂದ ಗ್ರಾಮಸ್ಥರು ಆಕ್ರೋಶ ವ್ಯಕ್ತಪಡಿಸಿದರು.
ಪಿಡಿಒ, ಗ್ರೇಡ್-1 ಕಾರ್ಯದರ್ಶಿ, ಬಿಲ್ ಕಲೆಕ್ಟರ್, ಕಂಪ್ಯೂಟರ್ ಆಪರೇಟರ್, ವಾಟರ್ ಮ್ಯಾನ್, ಗುಮಾಸ್ತ ಸೇರಿ ಒಟ್ಟು 10 ಸಿಬ್ಬಂದಿ ಕಚೇರಿಯಲ್ಲಿ ಕಾರ್ಯ ನಿವರ್ಹಿಸುತ್ತಿದ್ದಾರೆ. ಪಿಡಿಒ ಮಂಜುನಾಥ ಅಂಗಡಿ ಅವರಿಗೆ ಭೊಗೇನಾಗರಕೊಪ್ಪ ಗ್ರಾಮ ಪಂಚಾಯಿತಿ ಹೆಚ್ಚುವರಿ ಜವಾಬ್ದಾರಿ ಇರುವ ಕಾರಣ ಅಲ್ಲಿಗೆ ತೆರಳಿದ್ದರು. ಕಂಪ್ಯೂಟರ್ ಆಪರೇಟರ್ ಹಾಗೂ ಅಟೆಂಡರ್ ಹೊರತುಪಡಿಸಿ ಉಳಿದ ಸಿಬ್ಬಂದಿ ಗ್ರಾಪಂ ಕಚೇರಿಗೆ ಬರದೆ ತಮ್ಮ ಕೆಲಸಗಳಿಗೆ ತೆರಳಿದ್ದಾರೆ ಎಂಬ ಆರೋಪ ಗ್ರಾಮಸ್ಥರದ್ದು.
2025 ಏಪ್ರಿಲ್ 25ರಂದು ಕಂಪ್ಯೂಟರ್ ಆಪರೇಟರ್ ಯಾವುದೇ ಮಾಹಿತಿ ನೀಡದೆ ಗೈರಾದ ಸಂದರ್ಭದಲ್ಲಿ ಗ್ರಾಮಸ್ಥರು ಗ್ರಾಪಂಗೆ ತೆರಳಿ ಆಕ್ರೋಶ ವ್ಯಕ್ತಪಡಿಸಿದ್ದರು. ಆಗ ಪಿಡಿಒ ಮತ್ತು ಅಧ್ಯಕ್ಷರು ಇನ್ನು ಮುಂದೆ ಈ ಸಮಸ್ಯೆಯಾಗದಂತೆ ಮನವಿ ಮಾಡಿಕೊಂಡಿದ್ದರು. ಆದರೆ, ಇದೀಗ ಮತ್ತೆ ಅದೇ ಸಮಸ್ಯೆ ಮರುಕಳಿಸಿದ್ದು, ಗ್ರಾಮಸ್ಥರ ಆಕ್ರೋಶಕ್ಕೆ ಕಾರಣವಾಗಿದೆ.
"

ನಾನು ಹೆಚ್ಚುವರಿಯಾಗಿ ಭೊಗೇನಾಗರಕೊಪ್ಪ ಗ್ರಾಪಂನಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದೇನೆ. ಒಂದು ದಿನ ಬಮ್ಮಿಗಟ್ಟಿ ಮತ್ತೊಂದು ದಿನ ಭೊಗೇನಾಗರಕೊಪ್ಪದಲ್ಲಿ ಕಾರ್ಯ ನಿರ್ವಹಿಸುತ್ತೇನೆ. ಬಮ್ಮಿಗಟ್ಟಿ ಗ್ರಾಪಂನಲ್ಲಿ ಸಿಬ್ಬಂದಿ ಗೈರಾಗಿರುವ ಕುರಿತು ಮಾಹಿತಿ ಇಲ್ಲ.

"

ಸಿಬ್ಬಂದಿ ಗೈರು ಹಾಜರಿ ಕುರಿತು ಮೇಲಧಿಕಾರಿಗಳ ಗಮನಕ್ಕೆ ಹಲವು ಬಾರಿ ತಂದರೂ ಪ್ರಯೋಜನವಾಗಿಲ್ಲ. ಈ ಹಿಂದೆಯೂ ಸಿಬ್ಬಂದಿ ಹಲವು ಬಾರಿ ಗೈರಾಗಿದ್ದಾರೆ. ಗ್ರಾಪಂಗೆ ಬಂದು ಅರ್ಧ ಗಂಟೆ ಇದ್ದು ಮನೆಗೆ ಹೋಗುತ್ತಾರೆ. ಇವರಿಗೆ ಹೇಳೊರಿಲ್ಲ ಕೇಳೊರಿಲ್ಲ ಎಂಬಂತಾಗಿದೆ.

"

ಬಮ್ಮಿಗಟ್ಟಿ ಗ್ರಾಮ ಪಂಚಾಯತಿಯಲ್ಲಿ ಸಿಬ್ಬಂದಿ ಗೈರಾಗಿರುವ ಬಗ್ಗೆ ಮಾಹಿತಿ ಇಲ್ಲ. ಪಿಡಿಒ ಅವರನ್ನು ಕೇಳಿ ಮಾಹಿತಿ ಪಡೆಯುತ್ತೇನೆ.

Gram Panchayat
ಗ್ರಾಮ ಪಂಚಾಯಿತಿ
ಗೈರು
Absent
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net