army felicitation ಯೋಧರಿಗೆ ಶೆಟ್ಟರ್​ ಫೌಂಡೇಷನ್ ​ನಿಂದ ಸನ್ಮಾನ

ಬಿಜೆಪಿ ಮುಖಂಡ ಸಂಕಲ್ಪ ಶೆಟ್ಟರ್​ ಅವರು ಯೋಧರನ್ನು ಶಾಲು ಹೊದಿಸಿ, ಹೆಮ್ಮೆಯ ರಾಷ್ಟ್ರಧ್ವಜ ನೀಡಿ ಸನ್ಮಾನಿಸಿದರು.

ಈ ವೇಳೆ ಮಾತನಾಡಿದ ಅವರು, ಭಾರತದ ಸಾರ್ವಭೌಮತ್ವ ಮತ್ತು ಭದ್ರತೆಗಾಗಿ ತಮ್ಮ ಪ್ರಾಣವನ್ನೆ ಪಣಕ್ಕಿಟ್ಟು ಸೇವೆ ಸಲ್ಲಿಸಿರುವ ಯೋಧರ ತ್ಯಾಗ, ಶೌರ್ಯ ಮತ್ತು ದೇಶಭಕ್ತಿಯನ್ನು ಪ್ರತಿಯೊಬ್ಬ ಭಾರತೀಯರೂ ಸದಾ ಸ್ಮರಿಸಬೇಕು. ಕಾರ್ಗಿಲ್​ ವಿಜಯ ದಿವಸವು ನಮ್ಮ ಸೈನಿಕರ ಅಮೋಘ ಪರಾಕ್ರಮದ ಸಂಕೇತವಾಗಿದೆ ಎಂದು ಹೇಳಿದರು.

ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರ 136ನೇ "ಮನ್​ ಕಿ ಬಾತ್​' ಕಾರ್ಯಕ್ರಮವನ್ನು ಸಾರ್ವಜನಿಕರು ಹಾಗೂ ಗಣ್ಯರೊಂದಿಗೆ ವೀಕ್ಷಿಸಲಾಯಿತು.

ಹುಬ್ಬಳ್ಳಿ ಧಾರವಾಡ ನಗರಾಭಿವೃದ್ಧಿ ಪ್ರಾಧಿಕಾರದ ಮಾಜಿ ಅಧ್ಯಕ್ಷ ನಾಗೇಶ ಕಲಬುರ್ಗಿ, ಶಿವಕುಮಾರ ಕೊಪ್ಪದ, ಮಂಜುನಾಥ ನಾಗರಾಳ, ಭಾರತಿ ಟಪಾಲ್​, ವಿನೋದ್​ ಬಂಕಾಪುರ, ಮಾಂತೇಶ ನಾಶಿ, ಕೊಪ್ಪದ ಅವರ ಕುಟುಂಬಸ್ಥರು, ಗೆಳೆಯರ ಬಳಗ ಹಾಗೂ ಭೈರಿದೇವರಕೊಪ್ಪದ ಗುರುಹಿರಿಯರು ಮತ್ತು ಸ್ಥಳಿಯರು ಉಪಸ್ಥಿತರಿದ್ದು, ಯೋಧರಿಗೆ ಅಭಿನಂದನೆ ಸಲ್ಲಿಸಿದರು.