ಕಾನೂನಿಗೆ ಬದ್ಧರಾಗಿ ನಡೆಯಿರಿ

ಕರ್ನಾಟಕ ವಿದ್ಯಾವರ್ಧಕ ಸಂಘದಲ್ಲಿ ಗುರುವಾರ ಆಯೋಜಿಸಿದ್ದ ದಿ. ಗದಿಗೆಯ್ಯ ಹೊನ್ನಾಪೂರಮಠ ದತ್ತಿ ಕಾರ್ಯಕ್ರಮದಲ್ಲಿ ಡಾ. ಹೇಮಾ ಪಟ್ಟಣಶೆಟ್ಟಿ ಬರೆದ `ಹೊನ್ನಪುರ' ಕೃತಿಯ ನಾಲ್ಕನೇ ಆವೃತ್ತಿ ಬಿಡುಗಡೆ ಕಾರ್ಯಕ್ರಮದಲ್ಲಿ `ಬರವಣಿಗೆಯಲ್ಲಿ ಸಾಮಾಜಿಕ ಬದ್ಧತೆ' ವಿಷಯ ಕುರಿತು ಮಾತನಾಡಿದರು. ಬರಹಗಾರರಲ್ಲಿ ಸಹ ಸಾಮಾಜಿಕ ಬದ್ಧತೆ ಇರಬೇಕು. 12ನೇ ಶತಮಾನದಲ್ಲಿ ಬಸವಾದಿ ಶರಣರು ನುಡಿದಂತೆ ನಡೆದಿದ್ದರಿಂದಲೇ ನಮಗೆಲ್ಲ ಲೋಕ ಪೂಜ್ಯರಾಗಿದ್ದಾರೆ. ಇಂದು ನಾವೆಲ್ಲ ಏನೆಲ್ಲ ದೌರ್ಜನ್ಯಗಳು ಸಮಾಜದಲ್ಲಿ ನಡೆದರೂ ಮೌನದಿಂದ ಇರುವುದು ಸರಿಯಾದ ಬೆಳವಣಿಗೆ ಅಲ್ಲ. ಕಾನೂನಿನ ಬಗ್ಗೆ ಭಯವಿರಬೇಕು ಎಂದರು.

ಹಿರಿಯ ಸಾಹಿತಿ ರಂಜಾನ ದರ್ಗಾ ಅವರು ಕೃತಿ ಬಿಡುಗಡೆ ಮಾಡಿ ಮಾತನಾಡಿ, 12ನೇ ಶತಮಾನದಲ್ಲಿ ಸ್ತಿಯರಿಗೆ ಪ್ರಶ್ನೆ ಮಾಡುವ ಮನೋಭಾವ ಬೆಳೆಸಿದ್ದು ಬಸವಣ್ಣನವರು. ಇದೊಂದು ಜಾಗತಿಕ ದಾಖಲೆ. ನಡೆ-ನುಡಿ-ಸಿದ್ಧಾಂತ ಒಂದಾಗಿ ಬಾಳದಿದ್ದರೆ ಸಾಮಾಜಿಕ ಸಮಸ್ಯೆಗಳು ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಲೆ ಹೋಗುತ್ತವೆ. ದಿ.ಗದಿಗೆಯ್ಯ ಹೊನ್ನಾಪೂರಮಠರು ಕನ್ನಡದ ಆತ್ಮಶಕ್ತಿಯಂತೆ ಬದುಕಿದವರು. ಎಂದಿಗೂ ಸಂಪತ್ತು ಸಂಗ್ರಹದ ಬೆನ್ನು ಹತ್ತದೆ, ನಡೆ-ನುಡಿ ಒಂದಾಗಿ ಸೌಜನ್ಯದ ಬದುಕು ಸಾಗಿಸಿದವರಾಗಿದ್ದರು ಎಂದರು.

ವಿಶ್ವೇಶ್ವರಿ ಹಿರೇಮಠ ಸ್ವಾಗತಿಸಿದರು. ಶಂಕರ ಹಲಗತ್ತಿ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಶಿವಾನಂದ ಭಾವಿಕಟ್ಟಿ ನಿರ್ವಹಿಸಿದರು. ಪ್ರೊ. ಶಶಿಧರ ತೋಡಕರ ವಂದಿಸಿದರು. ಜಗದೇವಿ ಹೊನ್ನಾಪುರಮಠ, ಶಂಕರ ಕುಂಬಿ ವೇದಿಕೆಯಲ್ಲಿದ್ದರು.