ಕೂಲಿಕಾರರಿಂದ ದೂರು: ನಿಮಗೆ ಕೂಲಿಹಣ ಎಷ್ಟು ದಿನಗಲ್ಲಿ ಸಿಗುತ್ತದೆ ? ಎಷ್ಟು ದಿನಗಳಿಂದ ಕೆಲಸ ಮಾಡುತ್ತಿದ್ದೀರಿ ? ಕುಡಿವ ನೀರಿನ ವ್ಯವಸ್ಥೆ ಮಾಡಿದ್ದಾರಾ ? ಮನೆಯಿಂದ ಹೇಗೆ ಬರುತ್ತೀರಿ ? ಎಂದು ಕೂಲಿಕಾರರನ್ನು ಹಿಂದಿಯಲ್ಲಿ ಪ್ರಶ್ನಿಸಿದಾಗ, ಭಾಷೆ ಅರ್ಥವಾಗದ ಕಾರಣ ಅಧಿಕಾರಿಗಳ ಮೇಲೆ ಕೂಲಿಕಾರರು ಸಿಡಿಮಿಡಿಗೊಂಡರು. ಸ್ಥಳೀಯ ಅಧಿಕಾರಿಗಳು ಕನ್ನಡದಲ್ಲಿ ಕೇಳಿದಾಗ ಕೆಲವರು ಉತ್ತರ ನೀಡಿದರೆ, ಇನ್ನು ಕೆಲವರು ‘ಕೂಲಿಕಾರರಿಗೆ ಸಮರ್ಪಕವಾಗಿ ಕಾಮಗಾರಿ ಹಾಗೂ ಕೂಲಿ ಹಣ ಪಾವತಿ ಮಾಡುವುದಿಲ್ಲ, ಸಿಬ್ಬಂದಿ ಕೂಲಿಕಾರರೊಂದಿಗೆ ಸರಿಯಾಗಿ ವರ್ತಿಸುವುದಿಲ್ಲ. ಕೆಲವರಿಗೆ ಜಾಬ್ಕಾರ್ಡ್ ಕೊಟ್ಟಿಲ್ಲ’ ಎಂದು ಗ್ರಾಪಂ ಸಿಬ್ಬಂದಿ ವಿರುದ್ಧ ದೂರಿದರು.
