ನಿಷೇಧದ ನಡುವೆ ನಡೆಯಿತು ದೇವರಗಟ್ಟು ಬಡಿಗೆ ಉತ್ಸವ

ಬಳ್ಳಾರಿ: ಆಂಧ್ರ ಪ್ರದೇಶದ ಕರ್ನೂಲು ಜಿಲ್ಲೆ ಆಲೂರು ತಾಲೂಕಿನ ದೇವರಗಟ್ಟು ಗ್ರಾಮದಲ್ಲಿ ನಿಷೇಧದ ನಡುವೆಯೂ ಸೋಮವಾರ ರಾತ್ರಿ ಬಡಿಗೆ ಜಾತ್ರೆ ನಡೆದಿದೆ.

ಕರೊನಾ ಕಾರಣಕ್ಕೆ ಪ್ರಸಕ್ತ ವರ್ಷ ಆಂಧ್ರಪ್ರದೇಶ ಸರ್ಕಾರ ದೇವರಗಟ್ಟು ಗ್ರಾಮದ ಮಾಳ ಮಲ್ಲೇಶ್ವರಸ್ವಾಮಿ ಉತ್ಸವಕ್ಕೆ ನಿಷೇಧ ಹೇರಿತ್ತು. ಕರ್ನೂಲು ಜಿಲ್ಲಾಡಳಿತ ನಿಷೇಧದ ಬಗ್ಗೆ ಸುಮಾರು 15 ದಿನಗಳಿಂದ ಜನರಲ್ಲಿ ಜಾಗೃತಿ ಮೂಡಿಸಿತ್ತು. ಆದರೆ, ಸರ್ಕಾರದ ಆದೇಶ ಹಾಗೂ ಜಿಲ್ಲಾಡಳಿತ ಸೂಚನೆ ಕಡೆಗಣಿಸಿ ಗ್ರಾಮದಲ್ಲಿ ಬಡಿಗೆ ಉತ್ಸವ ನಡೆದಿದೆ.

ನೂರಾರು ಜನರು ರಾತ್ರಿ ಗುಡ್ಡಕ್ಕೆ ಆಗಮಿಸಿ ಪ್ರತಿ ವರ್ಷದಂತೆ ಪೂಜಾ ಕಾರ್ಯಕ್ರಮಗಳನ್ನು ನಡೆಸಿದರು. ದೇವರ ಪಲ್ಲಕ್ಕಿ ಮೆರವಣಿಗೆ ವೇಳೆ ನಡೆದ ಬಡಿಗೆ ಉತ್ಸವದಲ್ಲಿ 40 ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ. ಭಾರಿ ಸಂಖ್ಯೆಯಲ್ಲಿ ಜನರು ಸೇರಿದ್ದರಿಂದ ಪೊಲೀಸರು ಸಾಂಪ್ರದಾಯಿಕ ಆಚರಣೆಗೆ ತಡೆಯೊಡ್ಡಲಾಗದೆ ಮೂಕ ಪ್ರೇಕ್ಷಕರಾಗಿದ್ದರು.

https://www.vijayavani.net/cbi-probe-in-hathras-case-to-be-monitored-by-allahabad-hc-says-sc/