ಹಿಂದೂಗಳ ನಂಬಿಕೆ ಮೌಢ್ಯ, ಅನಾಗರಿಕತೆಯಲ್ಲ. ಅದರ ಹಿಂದೆ ಸತ್ವಪೂರ್ಣ ಹಾಗೂ ವೈಜ್ಞಾನಿಕತೆ ಅಡಗಿದೆ. ಪ್ರಕೃತಿ ಆರಾಧಾನೆಯ ಮೂಲಕ ಸೃಷ್ಟಿಯಲ್ಲಿ ದೇವರನ್ನು ಕಾಣುತ್ತಿದ್ದೇವೆ. ನೂರಾರೂ ಜಾತಿ, ಭಾಷೆ ಈ ದೇಶದ ವೈಶಿಷ್ಟ್ಯವಾಗಿದೆ. ನಮಗೆ ಜಾತಿ ಬೇಕು ಆದರೆ, ಬೇಧ ಬೇಡ, ಭಾಷೆಯೂ ಬೇಕು ಆದರೆ ದ್ವೇಷ ಬೇಡ ಎಂದು ಪ್ರತಿಪಾದಿಸಿದ ರಾಧಾಕೃಷ್ಣ ಅವರು, ಹಿಂದೂ ಸಮಾಜವನ್ನು ಒಡೆಯುವ ಸಂಚಿನ ವಿರುದ್ಧ ನಾವು ಜಾಗೃತಗೊಳ್ಳಬೇಕು. ಪೋಷಕರು ಧರ್ಮದ ಅರ್ಥವನ್ನು ಮಕ್ಕಳಿಗೆ ಕಲಿಸಬೇಕು. ಧರ್ಮದ ಪುನರ್ಪ್ರತಿಷ್ಠಾಪನೆಗೆ ಕಟಿಬದ್ಧರಾಗಿರಬೇಕು. ಪ್ರಪಂಚದಲ್ಲಿ ೪೬ ಸಂಸ್ಕೃತಿಗಳು ವಿನಾಶವಾಗಿದೆ. ಆದರೆ, ಹಿಂದೂ ಸಂಸ್ಕೃತಿಯನ್ನು ನಾಶ ಮಾಡುವ ಪ್ರಯತ್ನ ಮಾತ್ರ ವಿಫಲವಾಗಿದೆ. ಇದು ಹಿಂದೂ ಪರಂಪರೆಯ ಶಕ್ತಿಯನ್ನು ಸಾಬೀತುಪಡಿಸಿದೆ. ಹಿಂದೂಗಳು ನೀರು ಕೇಳಿದರೆ, ಹಾಲು ಕೊಡುವ ಮನಸ್ಥಿತಿ ಉಳ್ಳವರು. ಆದರೆ, ಹಾಲು ಕೊಟ್ಟವರಿಗೆ ವಿಷ ಉಣಿಸುವ ಕೆಲಸ ನಡೆಯುತ್ತಿದೆ. ಮತಾಂತರದ ಜಾಲಕ್ಕೆ ನಾವು ಸಿಲುಕಿಕೊಳ್ಳುತ್ತಿದ್ದೇವೆ. ಆಚಾರ-ವಿಚಾರ, ಸಂಸ್ಕೃತಿಯಿಂದ ದೂರವಾಗಿರುವುದರ ಪರಿಣಾಮ ಯುವಜನಾಂಗ ಪ್ರಜ್ಞಾವಂತಿಕೆ ಕಳೆದುಕೊಂಡು ದುಶ್ಚಟಗಳಿಗೆ ದಾಸರಾಗುತ್ತಿದ್ದಾರೆ ಎಂದು ಪ್ರತಿಪಾದಿಸಿದರು.
