ನಿರ್ಗತಿಕ ವೃದ್ಧೆಗೆ ಮಾಸಾಶನ ವಿತರಣೆ

ಕನಕಗಿರಿ: ಶ್ರೀಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಜ್ಞಾನ ವಿಕಾಸ ಯೋಜನೆಯಡಿ ಬುಧವಾರ ನಿರ್ಗತಿಕರ ಮಾಸಾಶನವನ್ನು ಮುಸಲಾಪುರ ವಲಯದ ಚಿಕ್ಕಮಾದಿನಾಳದ ಫಲಾನುಭವಿ ಈರಮ್ಮ ಅವರಿಗೆ ವಿತರಿಸಲಾಯಿತು.

ಯೋಜನಾಧಿಕಾರಿ ಡಿ.ನಿಂಗಪ್ಪ ಅಗಸರ ಮಾತನಾಡಿ, ಶ್ರೀಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆಯ ಸಂಸ್ಥಾಪಕ ಡಾ. ವೀರೇಂದ್ರ ಹೆಗ್ಗಡೆ ಅವರ ಸಹಕಾರದಿಂದ ಮಹಿಳೆಯರ ಸಬಲೀಕರಣಕ್ಕೆ ವಿವಿಧ ಸೌಲಭ್ಯ ನೀಡಿದ್ದಾರೆ.

ಈಗ ನಿರ್ಗತಿಕ ವೃದ್ಧರಿಗೆ ಮಾಸಾಶನ ನೀಡುವ ಸಮಾಜಮುಖಿ ಕಾರ್ಯಕ್ರಮ ಆರಂಭಿಸಿದ್ದು, ವೃದ್ಧರಿಗೆ ಅನುಕೂಲವಾಗಿದೆ ಎಂದರು. ವಲಯ ಮೇಲ್ವಿಚಾರಕ ಯಲ್ಲರೀ ಶಿವಾಜಿ, ಕೃಷಿ ಮೇಲ್ವಿಚಾರಕ ಗಂಗಾಧರ, ತಾಲೂಕು ವಿಚಕ್ಷಣಾಧಿಕಾರಿ ದಿನೇಶ, ಜ್ಞಾನವಿಕಾಸ ಸಮನ್ವಯಧಿಕಾರಿ ಮಂಜುಳಾ, ಸೇವಾ ಪ್ರತಿನಿಧಿ ಹಂಪಮ್ಮ, ವಿಮಲಾಕ್ಷಿ, ವಿಎಲ್‌ಸಿ ಅಂಬರೀಶ ಇತರರಿದ್ದರು.