ಇತ್ತೀಚೆಗೆ ವಿಧಾನಸಭೆಯಲ್ಲಿ ಪ್ರತಿಪಾದಿಸಲ್ಪಟ್ಟಿರುವ ಎರಡು ಹೆಸರುಗಳು ( ಕೋಟಿ ಚೆನ್ನಯ, ರಾಣಿ ಅಬ್ಬಕ್ಕ) ಈಗಾಗಲೆ ನಮ್ಮ ಸಾಂಸತಿಕ ಚರಿತ್ರೆಯ, ನಾಡ ಇತಿಹಾಸದ ಭಾಗವಾಗಿವೆ. ಸಾಕಷ್ಟು ಕಡೆ ರಸ್ತೆ, ನಗರ ವೃತ್ತಗಳಿಗೆ ನಾಮಕರಣಗೊಂಡವೆ. ಎರಡೂ ಹೆಸರುಗಳಲ್ಲಿ ಅಧ್ಯಯನ ಕೇಂದ್ರಗಳು, ಪೀಠಗಳು ಸರಕಾರಿ ವಲಯದಲ್ಲು ಸ್ಥಾಪನೆಗೊಂಡಿವೆ. ನಮ್ಮ ಕಲಿಕೆಯ-ಅಧ್ಯಯನ ಸಾಮಾಗ್ರಿಯ ಭಾಗ ನಮ್ಮ ಆರಾಧನೆಯ ಭಾಗವಾಗಿವೆ.ನಮ್ಮ ಜನಪದದ, ಯಕ್ಷಗಾನದ ಭಾಗಗಳಾಗಿ ನಿತ್ಯ ಬಿತ್ತರಗೊಳ್ಳುತ್ತಲೇ ಇವೆ.ಅರ್ಥಾತ್ ನಮ್ಮ ನಾಡಲ್ಲಿ ಈ ಎರಡೂ ಹೆಸರುಗಳಿಗೆ ಎಂದೂ ಅಳಿವಿಲ್ಲ. ಒಂದು ಜೀವಿತಾವಧಿ ಪೂರ್ಣ ಸರಳ, ಪಾರದರ್ಶಕ ರಾಜಕಾರಣದಲ್ಲಿ, ಸಾಧನೆ ಮಾಡಿರುವವರಿಗೆ ವಿಮಾನ ನಿಲ್ದಾಣಕ್ಕೆ ಹೆಸರಿಡುವ ಕಿಂಚಿತ್ ಪ್ರತಿ ಗೌರವವನ್ನಾದರೂ ನೀಡಿ ಋಣ ಭಾರವನ್ನು ತಗ್ಗಿಸಿಕೊಳ್ಳಬೇಕು. ನಮ್ಮ ಪೀಳಿಗೆ ಅವರನ್ನು ಮರೆತು ಸೂಕ್ತ ಜಾಗಗಕ್ಕೆ ಅವರ ಹೆಸರನ್ನು ನಾಮಕರಣ ಮಾಡದೆ ಹೋದರೆ ಮುಂದೆ ಒಂದೆರಡು ದಶಕಗಳಲ್ಲಿ ಬಾಹ್ಯ ಬದುಕಿನಲ್ಲಿ ಅಳಿದು ಹೋಗಬಹುದು ಎಂದು ಹೇಳಿದರು.
