ಶ್ರೀರಾಮ ಸೇನೆ ನಿಷೇಧಕ್ಕೆ ಆಗ್ರಹ

ಬೆಳಗಾವಿ: ಸವದತ್ತಿ ತಾಲೂಕಿನ ಹುಲಿಕಟ್ಟಿ ಗ್ರಾಮದಲ್ಲಿ ಸರ್ಕಾರಿ ಶಾಲೆಯ ಮಕ್ಕಳ ಕುಡಿಯುವ ನೀರಿಗೆ ವಿಷ ಬೆರೆಸಿದ ಪ್ರಕರಣದಲ್ಲಿ ಶ್ರೀರಾಮ ಸೇನೆ ಕಾರ್ಯಕರ್ತರು ಭಾಗಿಯಾಗಿದ್ದು ಬೆಳಕಿಗೆ ಬಂದಿದೆ. ಈ ಹಿನ್ನೆಲೆಯಲ್ಲಿ ರಾಜ್ಯದಲ್ಲಿ ಶ್ರೀರಾಮ ಸೇನೆಯಂತಹ ಸಂಟನೆಗಳನ್ನು ನಿಷೇಧಿಸುವಂತೆ ಬೆಳಗಾವಿ ಮುಸ್ಲಿಂ ಸಮಾಜ ಒಕ್ಕೂಟ ಆಗ್ರಹಿಸಿದೆ.

ಜಿಲ್ಲಾಧಿಕಾರಿ ಕಚೇರಿ ಎದುರು ಮಂಗಳವಾರ ಪ್ರತಿಭಟಿಸಿದ ಮುಖಂಡರು, ಅಪರ ಜಿಲ್ಲಾಧಿಕಾರಿ ಮೂಲಕ ಸಿಎಂ ಮತ್ತು ಗೃಹ ಸಚಿವರಿಗೆ ಮನವಿ ಸಲ್ಲಿಸಿದರು.

ಮುಖ್ಯಾಧ್ಯಾಪಕ ಸುಲೈಮಾನ್​ರನ್ನು ಶಾಲೆಯಿಂದ ವರ್ಗಾವಣೆ ಮಾಡುವಂತೆ ಮಾಡಲು, ಅವರಿಗೆ ಕೆಟ್ಟ ಹೆಸರು ತರಲು ಮಕ್ಕಳ ಜೀವದ ಜತೆ ಆಟವಾಡಲು ಯತ್ನಿಸಿದ್ದಾರೆ. ಕುಡಿಯುವ ನೀರಿಗೆ ವಿಷ ಮಿಶ್ರಣ ಮಾಡಿ ಮಕ್ಕಳನ್ನು ಹತ್ಯೆ ಮಾಡುವ ಪ್ರಯತ್ನ ಮಾಡಿರುವುದು ಖಂಡನೀಯ. ಅದೃಷ್ಟವಶಾತ್​ ದುರಂತವೊಂದು ತಪ್ಪಿದೆ. ಸದ್ಯ ಪೊಲೀಸರು ಬಂಧಿಸಿರುವ ಆರೋಪಿಗಳಿಗೆ ಕಠಿಣ ಶಿಕ್ಷೆ ನೀಡಬೇಕು. ಇಂತಹ ಅಪಾಯಕಾರಿ ಮತ್ತು ಅಮಾನುಷ್ಯ ಮನೋಭಾವನೆ ಹೊಂದಿರುವ ಶ್ರೀರಾಮ ಸೇನೆಯಂತಹ ಸಂಟನೆಗಳನ್ನು ನಿಷೇಧಿಸಬೇಕು ಎಂದು ಆಗ್ರಹಿಸಿದರು.

ಎಸ್​.ಎಂ. ಮೋಕಾಶಿ, ಇಕ್ಬಾಲ್​ ಜಕಾತಿ, ಅನ್ವರ್​ ಕಿಲ್ಲೇದಾರ್​, ಸಲೀಂ ಪಠಾಣ, ಶಾಹೀದ್​ ಪಠಾಣ, ಆರೀಫ್​ ಶೇಖ್​ ಇತರರಿದ್ದರು.