ವಕೀಲರು ಬಹುಜನ ಸಮಾಜ ಪಾರ್ಟಿಯ ತಾಲೂಕು ಕಾರ್ಯದರ್ಶಿ ನರಸಿಂಹಮೂರ್ತಿ ಮಾತನಾಡಿ, ನಮ್ಮಲ್ಲಿ ಮಾದಿಗ ಜನಾಂಗದ ನೂರಕ್ಕೂ ಹೆಚ್ಚು ಕುಟುಂಬಗಳಿದ್ದು, ಪ್ರತಿ ಕುಟುಂಬದಲ್ಲಿ ಅವಿಭಕ್ತ ಕುಟುಂಬವಾಗಿ ಐದು ಆರು ಮಂದಿ ವಾಸಿಸುತ್ತಿದ್ದಾರೆ. ಅದರಲ್ಲಿಯೂ ಬಹಳಷ್ಟು ಮಂದಿ ಅನಕ್ಷರಸ್ಥರು, ಬಡಕೂಲಿ ಕಾರ್ಮಿಕರಾಗಿದ್ದು, ನಿವೇಶನಗಳಿಲ್ಲದೆ ಒಟ್ಟಾಗಿಯೇ ಜೀವನ ಸಾಗಿಸುವಂತಹ ಪರಿಸ್ಥಿತಿ ಇದ್ದು ಇದೀಗ ನೀಡುತ್ತಿರುವ ನಿವೇಶನಗಳಲ್ಲಿ ಮಾದಿಗ ಜನಾಂಗಕ್ಕೆ ಹೆಚ್ಚಾಗಿ ನಿವೇಶನಗಳನ್ನು ನೀಡಬೇಕೆಂದು ಒತ್ತಾಯಿಸಿದರು. ಒಕ್ಕಲಿಗ ಜನಾಂಗದ ನಾರಾಯಣಸ್ವಾಮಿ ಮಾತನಾಡಿ, ಈ ಹಿಂದೆ ನಿವೇಶನಗಳನ್ನು ನೀಡಿದ ಸಂದರ್ಭದಲ್ಲಿ ಸುಮಾರು ಐವತ್ತಕ್ಕೂ ಹೆಚ್ಚು ಮಾದಿಗ ಜನಾಂಗದ ಕುಟುಂಬಗಳಿಗೆ, ಬೇರಾರಿಗೂ ನೀಡದೆ ನಿವೇಶನಗಳನ್ನು ನೀಡಿದ್ದು, ಇದೀಗ ಮತ್ತೆ ಅವರಿಗೆ ಅರ್ಧಕ್ಕಿಂತ ಹೆಚ್ಚು ನಿವೇಶನಗಳನ್ನು ನೀಡಲು ಗುರುತಿಸಿದ್ದು, ಹೀಗೆ ಆದಲ್ಲಿ ಇತರೆ ಜನಾಂಗಗಳಲ್ಲಿರುವ ಬಡವರಿಗೆ ಏನನ್ನು ನೀಡುತ್ತಾರೆ. ಈ ರೀತಿ ಮಾಡುವುದಕ್ಕಿಂತ ಯಾರಿಗೂ ನಿವೇಶನ ಹಂಚುವುದೇ ಬೇಡ ಗ್ರಾಮದಲ್ಲಿ ಸಾರ್ವಜನಿಕರು ಯಾರಾದರೂ ನಿಧನ ಹೊಂದಿದಲ್ಲಿ ಮಣ್ಣು ಮಾಡಲು ಜಾಗ ಇಲ್ಲದೆ ಬೇರೆಯವರ ಜಮೀನಿನಲ್ಲಿ ಕಾಡಿಬೇಡಿ ಮಣ್ಣು ಮಾಡಬೇಕಿದೆ ಎಂದು ಆಕ್ರೋಶ್ ವ್ಯಕ್ತಪಡಿಸಿದರು.
