ಹೊಸಪೇಟ ರೈಲು ಸೌಲಭ್ಯಕ್ಕೆ ಆಗ್ರಹ

ಹುಬ್ಬಳ್ಳಿ : ಹೊಸಪೇಟ ಸುತ್ತಲಿನ ಜನರು ಎದುರಿಸುತ್ತಿರುವ ರೈಲ್ವೆ ಸೌಲಭ್ಯದ ಸಮಸ್ಯೆಗಳನ್ನು ಬಗೆಹರಿಸುವಂತೆ ಆಗ್ರಹಿಸಿ ವಿಜಯನಗರ ರೈಲ್​ ಪ್ಯಾಸೆಂಜರ್ಸ್​ ಆ್ಯಂಡ್​ ಟೆಲಿಕಾಮ್​ ಯೂಸರ್ಸ್​ ವೆಲ್​ೇರ್​ ಅಸೋಸಿಯೇಶನ್​ ಪದಾಧಿಕಾರಿಗಳು ನೈಋತ್ಯ ರೈಲ್ವೆ ವಲಯದ ಪ್ರಧಾನ ವ್ಯವಸ್ಥಾಪಕ ಮುಕುಲ ಸರನ ಮಾಥುರ ಅವರನ್ನು ಆಗ್ರಹಿಸಿದ್ದಾರೆ.

ವಾರದ ಎಲ್ಲ ದಿನ ಸಂಚರಿಸುತ್ತಿದ್ದ ಬೆಳಗಾವಿ-ಹೈದ್ರಾಬಾದ್​-ಮಂಗಳೂರು ರೈಲು ಸಂಚಾರವನ್ನು ಕುಂಭಮೇಳದಿಂದಾಗಿ ತಾತ್ಕಾಲಿಕವಾಗಿ ರದ್ದುಗೊಳಿಸಲಾಗಿತ್ತು. ಆದರೆ, ಕುಂಭಮೇಳ ಮುಗಿದರೂ ಈ ರೈಲು ಸಂಚಾರ ಪುನರಾರಂಭಗೊಂಡಿಲ್ಲ. ಈ ರೈಲು ಸಂಚಾರ ಹೊಸಪೇಟ ಸುತ್ತಲಿನ ಪ್ರದೇಶದ ಜನರಿಗೆ ಬಹುಮುಖ್ಯವಾಗಿತ್ತು. ಬೆಳಗ್ಗೆ 8 ಗಂಟೆ ನಂತರ ಹುಬ್ಬಳ್ಳಿ&ಬೆಳಗಾವಿನತ್ತ ಪ್ರಯಾಣಿಸುವವರಿಗೆ ಬೇರೆ ರೈಲು ಸೌಲಭ್ಯ ಇಲ್ಲದಂತಾಗಿದೆ.

ಹೊಸಪೇಟ-ಬಳ್ಳಾರಿ-ಕೊಪ್ಪಳ ಪ್ರದೇಶದಲ್ಲಿ ಕೈಗಾರಿಕೆಗಳು ಹೆಚ್ಚು ಇವೆ. ಬಹಳಷ್ಟು ಜನರು ವಿಮಾನಕ್ಕಾಗಿ ಹೈದ್ರಾಬಾದ್​ಗೆ ತಲುಪಲು ಹಾಗೂ ಇನ್ನಿತರ ನಗರಗಳಿಗೆ ಸಂಚರಿಸಲು ಈ ರೈಲು ಬಹಳ ಮುಖ್ಯವಾಗಿತ್ತು.

ಹುಬ್ಬಳ್ಳಿ&ಚೆನೈ ರೈಲು ವಾರದಲ್ಲಿ ಬುಧವಾರ ಮತ್ತು ಶುಕ್ರವಾರ ಮಾತ್ರ ಸಂಚರಿಸುತ್ತದೆ. ಈ ರೈಲನ್ನು ನಿತ್ಯ ಓಡಿಸಬೇಕೆಂಬ ಬೇಡಿಕೆ ಆಂದ್ರಪ್ರದೇಶ, ತಮಿಳುನಾಡು ಮತ್ತು ಕೇರಳ ಜನರದ್ದು.

ಹೊಸಪೇಟ-ಗದಗ ಮಾರ್ಗವಾಗಿ ಸಂಚರಿಸುವ ಮೈಸೂರು-ಶಿರಡಿ ವಾರದಲ್ಲಿ ಒಂದು ದಿನ ಮಾತ್ರ ಸಂಚರಿಸುತ್ತದೆ. ಈ ರೈಲಿಗೆ ಪ್ರಯಾಣಿಕರ ಬೇಡಿಕೆ ಸಾಕಷ್ಟು ಇದ್ದು, ಕನಿಷ್ಠ ವಾರದಲ್ಲಿ ಮೂರು ದಿನವಾದರೂ ಸಂಚರಿಸುವಂತೆ ಮಾಡಬೇಕು.

ವಿಶ್ವಪ್ರಸಿದ್ಧ ಪ್ರವಾಸಿ ತಾಣ ಹಂಪಿ ವೀಕ್ಷಣೆಗೆ ವಿದೇಶ, ದೇಶ ಹಾಗೂ ರಾಜ್ಯದ ವಿವಿಧೆಡೆಯಿಂದ ನಿತ್ಯ ಸಾವಿರಾರು ಪ್ರವಾಸಿಗರು ಬರುತ್ತಾರೆ. ಹಾಗಾಗಿ, ಬೆಂಗಳೂರು&ಹೊಸಪೇಟ ಜಂಕ್ಷನ್​ ಮಧ್ಯೆ ವಂದೇ ಭಾರತ್​ ರೈಲು ಸಂಚಾರ ಪ್ರಾರಂಭಿಸಬೇಕು.

ಯಶವಂತಪುರ- ಬಾರ್ಮರ್​ ಎಕ್ಸ್​ಪ್ರೆಸ್​ ರೈಲು ಹುಬ್ಬಳ್ಳಿ ಮಾರ್ಗವಾಗಿ ವಾರದಲ್ಲಿ ಒಂದು ದಿನ ಮಾತ್ರ ಸಂಚರಿಸುತ್ತದೆ. ಮಹಾರಾಷ್ಟ್ರ, ಗುಜರಾತ, ರಾಜಸ್ಥಾನದ ಪ್ರಯಾಣಿಕರಿಂದ ಈ ರೈಲು ತುಂಬಿರುತ್ತದೆ. ಈ ರೈಲಿನ ಸೌಲಭ್ಯ ಕರ್ನಾಟಕದ ಜನರಿಗೆ ಹೆಚ್ಚು ಸಿಗಬೇಕು. ಇದಕ್ಕಾಗಿ, ಹುಬ್ಬಳ್ಳಿ, ಮಿರಜ್​ ಮಾರ್ಗವಾಗಿ ವಾರದಲ್ಲಿ ನಾಲ್ಕು ದಿನ ಹಾಗೂ ವಾರದಲ್ಲಿ ಮೂರು ದಿನ ಬಳ್ಳಾರಿ, ಹೊಸಪೇಟ, ಗದಗ, ವಿಜಯಪುರ ಮಾರ್ಗವಾಗಿ ಈ ರೈಲು ಸಂಚರಿಸುವಂತಾಗಬೇಕು.

ವಿಜಯಪುರ-ಮಂಗಳೂರು ಎಕ್ಸ್​ಪ್ರೆಸ್​ ರೈಲು ಹುಬ್ಬಳ್ಳಿ ಮಾರ್ಗವಾಗಿ ನಿತ್ಯ ಸಂಚರಿಸುತ್ತಿದೆ. ಈ ರೈಲು ವಾರದಲ್ಲಿ ಮೂರು ದಿನ ಹೊಸಪೇಟ-ದಾವಣಗೆರೆ ಮೂಲಕ ಸಂಚರಿಸಬೇಕು.

ಹೊಸಪೇಟ-ಮುಂಬೈ ಸಿಎಸ್​ಎಂಟಿ ರೈಲಿನ ಬೋಗಿಗಳನ್ನು ಎಲ್​ಎಚ್​ಬಿ ಬೋಗಿಗಳಾಗಿ ಪರಿವತಿರ್ಸಬೇಕು ಹಾಗೂ ಬೋಗಿಗಳ ಸಂಖ್ಯೆ ಹೆಚ್ಚಿಸಬೇಕು.

ಮದುವೆ ಸಮಾರಂಭ, ಬೇಸಿಗೆ ರಜೆ, ಹಬ್ಬಗಳ ಹಿನ್ನೆಲೆಯಲ್ಲಿ ಮೈಸೂರು-ಹುಬ್ಬಳ್ಳಿ-ಜೋಧಪುರ ಸ್ಪೇಷಲ್​ ರೈಲು ಸಂಚಾರವನ್ನು ಜುಲೈವರೆಗೆ ವಿಸ್ತರಿಸಬೇಕು. ಹೊಸಪೇಟ ರೈಲು ನಿಲ್ದಾಣದಲ್ಲಿನ ಪ್ಲಾಟ್​ಾಮ್​ರ್ಗಳ ಸಂಖ್ಯೆ ಹೆಚ್ಚಿಸಬೇಕು.

ಈ ಎಲ್ಲ ಬೇಡಿಕೆಗಳನ್ನು ಇತ್ತೀಚೆಗೆ ನಡೆದ ವಲಯ ರೈಲ್ವೆ ಬಳಕೆದಾರರ ಸಲಹಾ ಸಮಿತಿ ಸಭೆಯಲ್ಲಿಯೂ ಮಂಡಿಸಿದ್ದು, ಶ್ರೀ ಈಡೇರಿಸುವಂತೆ ಅಸೋಸಿಯೇಶನ್​ನ ಅರ್ಧಯಕ್ಷ ಬಾಬುಲಾಲ್​ ಜೈನ್​, ಉಪಾಧ್ಯಕ್ಷ ಪುಕುರಾಜ ಚೋಪ್ರಾ, ಕಾರ್ಯದಶಿರ್ ಅಶೋಕ ಜೆರೆ ಹಾಗೂ ಮತ್ತಿತರರು ಆಗ್ರಹಿಸಿದ್ದಾರೆ.