ದಾಸನಕೊಪ್ಪದಿಂದ ಬನವಾಸಿವರೆಗೆ ಕಾಳಂಗಿ, ಬೆಳ್ಳನಕೇರಿ, ಮಡಕೇಶ್ವರ, ಹೊಸಕೊಪ್ಪ, ಕಿರವತ್ತಿ, ಹೆಬ್ಬತ್ತಿ, ರಾಮಾಪುರ, ಕಲಕರಡಿ, ಅಂಡಗಿ, ಚನ್ನಗಿರಿ, ಹಾಡಲಗಿ ಸೇರಿ ಹತ್ತಾರು ಹಳ್ಳಿಗಳಿವೆ. 200ಕ್ಕೂ ಅಧಿಕ ವಿದ್ಯಾರ್ಥಿಗಳು ಶಾಲೆ-ಕಾಲೇಜ್ಗಳಿಗೆ ಹೋಗಲು ಬೆಳಗ್ಗೆ 8 ಗಂಟೆಗೆ ಬರುವ ದಾಸನಕೊಪ್ಪ ಬನವಾಸಿ ಬಸ್ ಅನ್ನು ನೆಚ್ಚಿಕೊಂಡಿದ್ದಾರೆ. ನಂತರ ಯಾವುದೇ ಬಸ್ ಸಂಚಾರ ಈ ಮಾರ್ಗದಲ್ಲಿ ಇಲ್ಲ. ಇಡೀ ದಿನಕ್ಕೆ ಒಂದು ಬಸ್ ಮಾತ್ರ ಇರುವುದರಿಂದ ವಿದ್ಯಾರ್ಥಿಗಳು ಅದೇ ಬಸ್ಗೆ ಹೋಗುತ್ತಾರೆ. ಇಲ್ಲಿನ ವಿದ್ಯಾರ್ಥಿಗಳು ಅನಿವಾರ್ಯವಾಗಿ ನಿತ್ಯ ಸರ್ಕಸ್ ಮಾಡಿ, ಜೀವಾಪಾಯದ ನಡುವೆಯೇ ಬನವಾಸಿಗೆ ತೆರಳುತ್ತಿದ್ದಾರೆ. ಆದ್ದರಿಂದ ಸಾರಿಗೆ ಸಂಸ್ಥೆಯ ಅಧಿಕಾರಿಗಳು ಮತ್ತೊಂದು ಬಸ್ ವ್ಯವಸ್ಥೆ ಮಾಡಬೇಕು ಎಂದು ವಿದ್ಯಾರ್ಥಿಗಳ ಪಾಲಕರು ಒತ್ತಾಯಿಸಿದರು.
