ತಂಬಿಟ್ಟಿನ ದೀಪಾರತಿ ನೆರವೇರಿಸಿ ಇಷ್ಟಾರ್ಥಗಳ ಸಿದ್ಧಿಗೆ ಭಕ್ತರು ಪ್ರಾರ್ಥಿಸಿದರು. ಪುರಾಣದ ಪ್ರಕಾರ ದ್ರೌಪದಿ ದೇವಿಯೂ ಲಕ್ಷಿ$್ಮ, -ಸರಸ್ವತಿ, ದುರ್ಗೆಯರ ರೂಪದೊಂದಿಗೆ ದೀಪದಲ್ಲಿ ನೆಲೆಸಿರುತ್ತಾರೆ. ನಾವು ನಮ್ಮ ದು@ಖವನ್ನು ಹೋಗಲಾಡಿಸಿ ಸಂತೋಷ ಬರಮಾಡಿಕೊಳ್ಳುವುದೇ ದೀಪೋತ್ಸವದ ತತ್ವ. ಹಾಗಾಗಿ ಜನಾಂಗದ ಬಾಂಧವರು ಕರಗ ಉತ್ಸವಗಳಲ್ಲಿ ದೀಪೋತ್ಸವವನ್ನು ಪ್ರಮುಖವಾಗಿ ಆಚರಿಸುತ್ತಾರೆ. ವಾರ್ಷಿಕವಾಗಿ ಮನೆದೇವರಿಗೆ ಮತ್ತು ಊರಬ್ಬಗಳಂದು ಗ್ರಾಮದೇವತೆಗಳಿಗೂ ವೈಭವದ ದೀಪೋತ್ಸವ ಆಚರಣೆಯಲ್ಲಿದೆ. ಇದರಿಂದ ದೇವತೆಗಳು ಸಂತೃಪ್ತರಾಗಿ ನಮ್ಮನ್ನು ಕಾಯುತ್ತಾರೆಂಬ ಐತಿಹ್ಯವೂ ಇದೆ. ಈ ವರ್ಷ ವಿಶೇಷವಾಗಿ ದೀಪಾರತಿಗಳನ್ನು ಹೊತ್ತು ತಂದಿದ್ದ ಮಹಿಳೆಯರನ್ನು ಕೇರಳದ ಚಂಡೆ ವಾದ್ಯಗಳೊಂದಿಗೆ ಮೆರವಣಿಗೆಯ ಮೂಲಕ ಪಟ್ಟಣ ಕೋದಂಡರಾಮಸ್ವಾಮಿ ದೇವಾಲಯಕ್ಕೆ ಸ್ವಾಗತಿಸಲಾಯಿತು.
