ಮತ್ತೊಮ್ಮೆ ಆಪರೇಷನ್ ಡೆಕಾಯ್
ಹಿಂದೆ ಜಿಲ್ಲೆಯಲ್ಲಿ ಭ್ರೂಣ ಹತ್ಯೆ ದಂಧೆಕೋರರನ್ನು ಪತ್ತೆ ಮಾಡಲು ಅನುಷ್ಠಾನಗೊಳಿಸಿದ ಡೆಕಾಯ್ ಕಾರ್ಯಾಚರಣೆಯನ್ನು ಈ ಪ್ರಕರಣದಲ್ಲಿಯೂ ಮುಂದುವರೆಸಲು ಡಿಎಚ್ಒ ಡಾ.ಕೆ.ಮೋಹನ್ ನಿರ್ಧರಿಸಿದರು.
ಅದರಂತೆ ಸ್ಕಾೃನಿಂಗ್ ಮಾಡಿಸಿದ ವಿಚಾರದ ಮಾಹಿತಿ ತಿಳಿದಿದ್ದ ಆಕೆಯ ಸಂಬಂಧಿಯೊಂದಿಗೆ ಮಾತುಕತೆ ನಡೆಸಿದಲ್ಲದೆ, ಪೂರ್ಣ ವಿಚಾರ ತಿಳಿಸಿದರೆ ಬಹುಮಾನ ನೀಡುವುದಾಗಿಯೂ ತಿಳಿಸಿದ್ದಾರೆ. ಅದರಂತೆ ಮಹಿಳೆ ಹಾಗೂ ಸಂಬಂಧಿಯೊಂದಿಗೆ ದುಗ್ಗನಹಳ್ಳಿ ಆರೋಗ್ಯ ಕೇಂದ್ರ ಸಿಬ್ಬಂದಿ, ಕೇಂದ್ರ ಕಚೇರಿ ಅಧಿಕಾರಿ ಹಾಗೂ ಆಂಧ್ರಪ್ರದೇಶದ ಆರೋಗ್ಯ ಇಲಾಖೆ ಅಧಿಕಾರಿಗಳ ತಂಡದೊಂದಿಗೆ ಕಾರ್ಯಾಚರಣೆ ನಡೆಸಲಾಗಿದೆ. ಅದರಂತೆ ಮಹಿಳೆಯನ್ನು ಮೊದಲು ತಪಾಸಣೆಗೆ ಕಳಿಸಿ ಹಿಂದೆಯೇ ಅಧಿಕಾರಿಗಳ ತಂಡ ದಾಳಿ ನಡೆಸಿ ದಂಧೆಯನ್ನು ಸಾಕ್ಷಿ ಸಹಿತ ಬಯಲಿಗೆಳೆದಿದ್ದಾರೆ. ಮಾತ್ರವಲ್ಲದೆ ನರ್ಸಿಂಗ್ ಹೋಂಗೆ ಬೀಗ ಹಾಕಿಸಿದ್ದಾರೆ.
ಡಿಎಚ್ಒ ಡಾ.ಕೆ.ಮೋಹನ್, ಜಿಲ್ಲಾ ಕುಟುಂಬ ಕಲ್ಯಾಣಾಧಿಕಾರಿ ಡಾ.ಬೆಟ್ಟಸ್ವಾಮಿ, ಟಿಎಚ್ಒ ಡಾ.ವೀರಭದ್ರಪ್ಪ ಮಾರ್ಗದರ್ಶನದಲ್ಲಿ ಮಳವಳ್ಳಿ ತಾಲೂಕು ದುಗ್ಗನಹಳ್ಳಿ ಪಿಎಚ್ಸಿ ವೈದ್ಯಾಧಿಕಾರಿ ಡಾ.ಸೆರೆನ್ ನಮ್ರತಾ, ಎನ್ಎನ್ಎಂ ನಂದಿನಿ, ಸಮುದಾಯ ಆರೋಗ್ಯಾಧಿಕಾರಿ ಕಿರಣ್ ಡೆಕಾಯ್ ಕಾರ್ಯಾಚರಣೆಯಲ್ಲಿ ಭಾಗಿಯಾಗಿದ್ದರು. ಒಟ್ಟಾರೆ ಹೆಣ್ಣು ಭ್ರೂಣ ಹತ್ಯೆ ದಂಧೆಗೆ ಬಲಿಯಾಗಬೇಕಿದ್ದ ಮಗುವನ್ನು ಉಳಿಸುವಲ್ಲಿ ಜಿಲ್ಲೆಯ ಆರೋಗ್ಯ ಇಲಾಖೆ ಅಧಿಕಾರಿಗಳ ಪಾತ್ರ ಶ್ಲಾಘನೀಯ.
