ನಗರದಲ್ಲಿ ಶುಕ್ರವಾರ ಬಜೆಟ್ ತಯಾರಿ ಪೂರ್ವಭಾವಿ ಸಭೆಯಲ್ಲಿ ಮಾಹಿತಿ ನೀಡಿದರು. ಸಾರ್ವಜನಿಕರ ಪರವಾಗಿ ಸಭೆಯಲ್ಲಿ ಚರ್ಚೆ ನಡೆಸಿದ ಜಿ. ಜಿ. ಹೆಗಡೆ ಕಡೆಕೋಡಿ, 2010ರಿಂದ ಇಂದಿನವರೆಗೂ ಬಜೆಟ್ ಹಿಂದಿನ ಬಜೆಟ್ನ ನಕಲಿನಂತಾಗುತ್ತಿದೆ. ಪೂರ್ವಭಾವಿ ಸಭೆಯಲ್ಲಿ ನಗರ ಅಭಿವೃದ್ಧಿಗೆ ಸಾರ್ವಜನಿಕರ ಸಲಹೆ ಪಡೆದರೂ, ಅದನ್ನು ಅಳವಡಿಸಿಕೊಳ್ಳುತ್ತಿಲ್ಲ. ನಗರದಲ್ಲಿ ಮಳೆಗಾಲದಲ್ಲಿ ನೀರು ನಿಲ್ಲುವ ತಗ್ಗು ಪ್ರದೇಶಗಳ ಸುರಕ್ಷತೆಗೆ ಗಮನ ಹರಿಸುತ್ತಿಲ್ಲ. ಸಾರ್ವಜನಿಕರಿಂದ ಆಸ್ತಿ ತೆರಿಗೆಯನ್ನು ನಗರಸಭೆ ಕರಾರುವಕ್ಕಾಗಿ ಸಂಗ್ರಹಿಸುತ್ತದೆಯಾದರೂ ನೀರಿನ ತೆರಿಗೆ ಬಗ್ಗೆ ಗಮನ ಹರಿಸುತ್ತಿಲ್ಲ. 2014-15 ರಿಂದಲೂ ಸರ್ಕಾರದಿಂದ ಬರುವ ಆದಾಯದ ಮೇಲೆ ಅವಲಂಬನೆ ಜಾಸ್ತಿ ಆಗುತ್ತಿದ್ದರೆ, ಸ್ವಂತ ಆದಾಯ ಕಡಿಮೆ ಆಗುತ್ತಿದೆ. ಕೆಲ ವಿಧದ ತೆರಿಗೆಗಳ ಸಂಗ್ರಹಣೆ ನಿರ್ಲಕ್ಷ್ಯ ಒಂದು ಹಂತಕ್ಕೆ ಇದು ಕರ್ತವ್ಯ ಲೋಪವಾದಂತೆ ಆಗುತ್ತಿದೆ ಎಂದರು.
