ತಾಂಡಾ ನಿವಾಸಿಗಳು ಅಂತ್ಯಸಂಸ್ಕಾರಕ್ಕೆ ಅಡ್ಡಿಪಡಿಸಿದ ಹಿನ್ನೆಲೆಯಲ್ಲಿ ಮೃತನ ಪುತ್ರ ಹಂಪಣ್ಣ ಪಟ್ಟಣದ ಠಾಣೆಗೆ ಮೌಖಿಕ ದೂರು ನೀಡಿದ್ದರು. ಸಿಪಿಐ ಮೌನೇಶ್ವರ ಮಾಲಿಪಾಟೀಲ್, ಪಿಎಸ್ಐಗಳಾದ ವಿಜಯಪ್ರತಾಪ, ಪ್ರಶಾಂತ ಹಾಗೂ ಸಿಬ್ಬಂದಿ ಘಟನಾ ಸ್ಥಳಕ್ಕೆ ಭೇಟಿ ನೀಡಿ ಗ್ರಾಮಸ್ಥರೊಂದಿಗೆ ಚರ್ಚಿಸಿ ಅಂತ್ಯಸಂಸ್ಕಾರಕ್ಕೆ ದಾರಿ ಮಾಡಿಕೊಟ್ಟಿತು. ಕ್ರೈಸ್ತ ಧರ್ಮದ ಪ್ರಕಾರ ಪ್ರಾರ್ಥನೆ ಸಲ್ಲಿಸಿ ವಿಧಿ ವಿಧಾನ ಕೈಗೊಳ್ಳಲಾಗಿದೆ. ಬಳಿಕ ಲಂಬಾಣಿ ಸಂಪ್ರದಾಯದಂತೆ ತಾಂಡಾದ ಹಿರಿಯರು ಅಂತ್ಯಸಂಸ್ಕಾರ ನೆರವೇರಿಸಿದ್ದಾರೆ. ಹಿರಿಯರಾದ ವೆಂಕಟೇಶ ಕಾರಬಾರಿ, ವೆಂಕಟೇಶ ಪೂಜಾರ, ಪರಸಪ್ಪ ರಾಠೋಡ, ಕೋಟೆಪ್ಪ ಪೂಜಾರ, ಗುಂಡಪ್ಪ ರಾಠೋಡ, ಮುತ್ತಣ್ಣ ಪಮ್ಮಾರ ಇತರರಿದ್ದರು.
