ತೋಟದ ಸ್ವಚ್ಛತೆ ಹಾಗೂ ಕುರುವಾಯಿ ದುಂಬಿಗಳ ನಿಯಂತ್ರಣ ಮಾಡಬೇಕು. ತೆಂಗಿನ ತಲೆಭಾಗ ಸ್ವಚ್ಛಗೊಳಿಸಿ ಮೇ, ಸೆಪ್ಟೆಂಬರ್, ಡಿಸೆಂಬರ್ ಸಮಯಗಳಲ್ಲಿ ಸೂಕ್ತ ಕೀಟನಾಶಕ ಸುಳಿ ಭಾಗದಲ್ಲಿ ಹಾಕಬೇಕು. ಕೀಟದ ಭಾದೆಗೆ ಸತ್ತು ಹೋದ ಮರಗಳನ್ನು ಕಡಿದು ಸುಡಬೇಕು. ಕಾಂಡದ ಭಾಗದಲ್ಲಿ ಕೀಟ ಒಳಹೋಗಿದ್ದಲ್ಲಿ ಎಲ್ಲ ರಂಧ್ರ ಮುಚ್ಚಿ ಮೇಲಿನ ಒಂದು ರಂಧ್ರದಲ್ಲಿ ಕ್ಲೋರೋಪೈರಿಫಾಸ್ ಕೀಟನಾಶಕ ಒಂದು ಲೀಟರ್ ನೀರಿನಲ್ಲಿ 5 ಮಿ.ಲೀ ಬೆರೆಸಿ ಒಳಗೆ ಸುರಿಯಬೇಕು. ಹೆಕ್ಟರಿಗೆ ಒಂದರಂತೆ ಮೋಹಕಬಲೆ ಬಳಸಬೇಕು. ಮೋಹಕ ಬಲೆಗಳನ್ನು ತೆಂಗಿನ ಮರಗಳಿಗೆ ನೇರವಾಗಿ ಕಟ್ಟದೆ, ತೋಟದಿಂದ ಸ್ವಲ್ಪ ದೂರದಲ್ಲಿ ಕಾಡು ಮರಗಳಿಗೆ ಕಟ್ಟಬೇಕು. ಮೋಹಕ ಬಲೆಗಳಲ್ಲಿನ ಫೆರೋಮೋನ್ ಮೂರರಿಂದ ನಾಲ್ಕು ತಿಂಗಳ ಅವಧಿ ಹೊಂದಿದ್ದು ನಂತರದಲ್ಲಿ ಬದಲಾಯಿಸಬೇಕು. ನೈಸರ್ಗಿಕ ಮೋಹಕಬಲೆಗಳ ತಯಾರಿಗಾಗಿ ಒಂದು ಲೀಟರ್ ನೀರಿನಲ್ಲಿ 150 ಗ್ರಾಂ ಬಾಳೆಹಣ್ಣು, 2 ಈಸ್ಟ, 2 ಗ್ರಾಂ ಕಾರ್ಬೋರಿಲ ಸೇರಿಸಿ ಕಟ್ಟುವುದರಿಂದ ದುಂಬಿಗಳನ್ನು ಆಕರ್ಷಿಸಬಹುದು. ದುಂಬಿಗಳು ಕೊಳೆತ ಪದಾರ್ಥ ಹಾಗೂ ಮರದ ಗಾಯಗಳಿಗೆ ಆಕರ್ಷಿತವಾಗುವುದರಿಂದ ಹಸಿ ಗರಿಗಳನ್ನು ಕತ್ತರಿಸುದನ್ನು ಆದಷ್ಟೂ ಕಡಿಮೆ ಮಾಡಬೇಕು. ಅತೀ ಅವಶ್ಯವಿದ್ದಲ್ಲಿ ಕನಿಷ್ಠ ಒಂದು ಮೀಟರ್ ಮರದಿಂದ ಬಿಟ್ಟು ಗರಿಗಳನ್ನು ಕತ್ತರಿಸಬೇಕು.
