ಡಿಡಿಪಿಐಗಳ ಈ ಕಿತ್ತಾಟ ಗಂಡ ಹೆಂಡಿರ ಮಧ್ಯೆ ಕೂಸು ಬಡವಾಯಿತು ಎಂಬಂತಾಗಿದ್ದು, ಇಬ್ಬರ ಜಗಳದಲ್ಲಿ ಶಿಕ್ಷಣ ಇಲಾಖೆ ನರಳುತ್ತಿದೆ. ಡಿಡಿಪಿಐ ಉಮೇಶ ಶಿರಹಟ್ಟಿಮಠ ಸಂಪರ್ಕಕ್ಕೆ ಸಿಗದಿರುವುದು ಸಾರ್ವಜನಿಕರಿಗೆ ತಲೆನೋವಾಗಿದೆ. ಮೊಬೈಲ್ಗೆ ಕರೆ ಮಾಡಿದರೆ ಕರೆ ಸ್ವೀಕರಿಸುತ್ತಿಲ್ಲ. ಕಚೇರಿಗೆ ಭೇಟಿ ನೀಡಿದರೆ ಸದಾ ಬೀಗ ಜಡಿದಿರುತ್ತದೆ. ಸಿಬ್ಬಂದಿಯನ್ನು ವಿಚಾರಿಸಿದರೆ ಮೀಟಿಂಗ್ಗೆ ತೆರಳದಿದ್ದಾರೆಂದು ಸಬೂಬು ಹೇಳುತ್ತಾರೆ. ಇನ್ನು ‘ಮಾಧ್ಯಮ ಪ್ರತಿನಿಧಿಗಳು’ ಕರೆ ಮಾಡಿದರೆ ಆಗೊಮ್ಮೆ ಈಗೊಮ್ಮೆ ಕರೆ ಸ್ವೀಕರಿಸುತ್ತಾರಾದರೂ ಒಮ್ಮೆ ಕೋರ್ಟ್ನಲ್ಲಿ, ಮತ್ತೊಮ್ಮೆ ಮೀಟಿಂಗ್ನಲ್ಲಿರುವುದಾಗಿ ಹೇಳುತ್ತಾರೆ. ಮಾಹಿತಿ ಕೇಳಿದರೆ ನುಣುಚಿಕೊಳ್ಳುತ್ತಾರೆ. ಹೀಗಾಗಿ ಸಂಬಂಧಿಸಿದ ಹಿರಿಯ ಅಧಿಕಾರಿಗಳು ಮತ್ತು ಜಿಲ್ಲೆಯ ಉಸ್ತುವಾರಿ ಮಂತ್ರಿಗಳು, ಶಾಸಕರು ಈ ಬಗ್ಗೆ ಗಂಭೀರವಾಗಿ ಪರಿಗಣಿಸಬೇಕೆಂಬ ಒತ್ತಾಯ ಕೇಳಿ ಬಂದಿದೆ.
