ಶ್ರೀಮಠದ ಪೀಠಾಧಿಪತಿ ಸುಬುಧೇಂದ್ರ ತೀರ್ಥರ ಜತೆಗೆ ಗೋ ಶಾಲೆ ವೀಕ್ಷಣೆ ಮಾಡಿ ಮಠದಿಂದ ನಿರ್ಮಾಣವಾಗುತ್ತಿರುವ ಡಾರ್ಮೆಂಟರಿ ಕಾಮಗಾರಿಗೆ ಭೂ ಪೂಜೆ ಸಲ್ಲಿಸಿ, ಬೆಲ್ಲದ ತುಲಾ ಭಾರ ಕಾಣಿಕೆ ಸಲ್ಲಿಸಿದರು.ನಂತರ ತಾಲೂಕಿನ ಗಾಣದಾಳ ಗ್ರಾಮದ ಪಂಚಮುಖಿ ಆಂಜನೇಯ ಸ್ವಾಮಿ ದೇವಸ್ಥಾನ, ಎಲೆ ಬಿಚ್ಚಾಲಿಯ ರಾಯರ ಏಕಶೀಲ ವೃಂದಾವನಕ್ಕೆ ಭೇಟಿ ನೀಡಿ, ಸುದ್ದಿಗಾರರೊಂದಿಗೆ ಮಾತನಾಡಿದರು. ಈ ಹಿಂದೆ ಪಕ್ಷದಿಂದ ಆಯೋಜನೆ ಮಾಡಲಾಗಿದ್ದ ಭಾರತ ಜೋಡೊ ಯಾತ್ರೆ ವೇಳೆ ಶ್ರೀಮಠಕ್ಕೆ ಬಂದಿದ್ದೆ. ಕಳೆದ ಬಾರಿ ಸಂಕಲ್ಪ ಮಾಡಿದ್ದಕ್ಕೆ ನಮ್ಮ ಸರ್ಕಾರ ರಾಜ್ಯದಲ್ಲಿ ಅಧಿಕಾರಕ್ಕೆ ಬಂದಿದೆ. ಎಲ್ಲರಿಗೆ , ನಾಡಿಗೆ ಒಳ್ಳೆಯದಾಗಲೆಂದು ರಾಯರಲ್ಲಿ ಬೇಡಿಕೊಂಡಿದ್ದೇನೆ ಎಂದರು.
