ಜಿಲ್ಲಾಧಿಕಾರಿ ಎಬಿ. ಬಸವರಾಜು ಮಾತನಾಡಿ, ನವರಾತ್ರಿ ಪೂಜೆ ನಾಡದೇವಿಯ ಹಬ್ಬವಾಗಿದ್ದು, ಇದರ ವಿಶೇಷವಾಗಿ ಇಲ್ಲಿ ಪ್ರತಿವರ್ಷ ನವರಾತ್ರಿ ಆರಂಭವಾದ 7ನೇ ದಿನ ಮೂಲ ನಕ್ಷತ್ರದಂದು ಶಾರದಾಮಾತೆಯ ಜನ್ಮದಿನವೂ ಆಗಿರುವುದರಿಂದ ಸರಸ್ವತಿ ಪೂಜೆಯ ಅಂಗವಾಗಿ ಮೊದಲು ಅಕ್ಷರ ಕಲಿಯುವ ಪುಟ್ಟ ಕಂದಮ್ಮಗಳಿಗೆ ಅಕ್ಷರಬ್ಯಾಸ ಮಾಡಿಸುತ್ತಾ ಬರಲಾಗಿದೆ ಎಂದರು. ಮಕ್ಕಳು ಓದಿ ವಿದ್ಯಾವಂತರು, ಬುದ್ದಿವಂತರಾಗಿ ದೇಶದ ಕೊಡುಗೆಗಳಾಗಿ ಉತ್ತಮ ಜ್ಞಾನವಂತರಾಗಿ ಬೆಳೆಯಲಿ ಎಂಬ ಸದಾಶಯದೊಂದಿಗೆ ಪುರಾತನ ಕಾಲದಿಂದಲೂ ರೂಢಿಸಿಕೊಂಡು ಬಂದ ಸಂಪ್ರದಾಯ ಈ ಅಕ್ಷರಭ್ಯಾಸವಾಗಿದೆ. ಎಲ್ಲ ಮಕ್ಕಳ ಭವಿಷ್ಯ ಉಜ್ವಲವಾಗಲಿ ಎಂದು ದೇವಿಯನ್ನು ಪ್ರಾರ್ಥಿಸಿ ಮಕ್ಕಳಿಗೆ ಸಂತೋಷದಿಂದ ಅಕ್ಷರಭ್ಯಾಸ ಮಾಡಿಸಿದ್ದೇನೆ, ಜಿಲ್ಲೆಯಲ್ಲಿ ಉತ್ತಮವಾಗಿ ಮಳೆ, ಬೆಳೆಯಾಗಿ ರೈತರ ಬದುಕು ಹಸನಾಗಲಿ, ಎಲ್ಲರಿಗೂ ಚೌಡೇಶ್ವರಿ ಶುಭವನ್ನುಂಟು ಮಾಡಲಿ ಎಂದು ಹೇಳಿದರು.
