ಏಡ್ಸ್​ ಸಾವು ಸೊನ್ನೆಗೆ ತನ್ನಿ, ಡಿಸಿ ನಲಿನ್​ ಅತುಲ್​ ಸೂಚನೆ

ಕೊಪ್ಪಳ: ಜಿಲ್ಲೆಯಲ್ಲಿ ಏಡ್ಸ್​ನಿಂದ ಸಂಭವಿಸುವ ಸಾವಿನ ಪ್ರಮಾಣ ಸೊನ್ನೆಗೆ ತರುವಂತೆ ಜಿಲ್ಲಾಧಿಕಾರಿ ನಲಿನ್​ ಅತುಲ್​ ಅಧಿಕಾರಿಗಳಿಗೆ ಸೂಚಿಸಿದರು.

ನಗರದ ಡಿಸಿ ಕಚೇರಿ ಸಭಾಂಗಣದಲ್ಲಿ ಇತ್ತೀಚೆಗೆ ಹಮ್ಮಿಕೊಂಡಿದ್ದ ಏಡ್ಸ್​ ನಿಯಂತ್ರಣ ಸಮನ್ವಯ ಸಮಿತಿ ಸಭೆ ಅಧ್ಯಕ್ಷತೆವಹಿಸಿ ಮಾತನಾಡಿದರು.

ಎಚ್​ಐವಿ ಹರಡುವಿಕೆ ನಿಯಂತ್ರಿಸಿ. ಬಾಧಿತರಿಗೆ ಆರೈಕೆ, ಬೆಂಬಲ ನೀಡುವ ಸೌಲಭ್ಯ ಕಲ್ಪಿಸಿ. ಕಳಂಕ ಮತ್ತು ತಾರತಮ್ಯ ನೀತಿ ಕೊನೆಗಾಣಿಸಿ. ಎಚ್​ಐವಿ ಬಾಧಿತರು, ಅವರ ಕುಟುಂಬಸ್ಥರಿಗೆ ಸಹಕಾರ ನೀಡಿ. ಆಪ್ತಸಮಾಲೋಚನೆ, ಸೇವೆ, ಔಷೋಧಪಚಾರ, ಟಿ.ಬಿ.ಚಿಕಿತ್ಸೆ ಸಮರ್ಪಕವಾಗಿ ನೀಡಲು ತಾಕೀತು ಮಾಡಿದರು.

ಜಿಲ್ಲಾ ಏಡ್ಸ್​ ನಿಯಂತ್ರಣಾಧಿಕಾರಿ ಡಾ.ಶಶಿಧರ ಎ. ಮಾತನಾಡಿ, 2021&22ರಲ್ಲಿ ಸಾಮಾನ್ಯ ಜನರಲ್ಲಿ ಶೇ. 0.52, ಗರ್ಭಿಣಿಯರಲ್ಲಿ ಶೇ.0.06 ರಷ್ಟು ಎಚ್​ಐವಿ ಕಾಣಿಸಿಕೊಂಡಿದೆ. 2022&23ರಲ್ಲಿ ಸಾಮಾನ್ಯರಲ್ಲಿ ಶೇ. 0.51, ಗರ್ಭಿಣಿಯರಲ್ಲಿ 0.03, 2023&24ರಲ್ಲಿ ಸಾಮಾನ್ಯರಲ್ಲಿ ಶೇ.0.38, ಗರ್ಭಿಣಿಯರಲ್ಲಿ 0.05ಪಾಸಿವಿಟಿ ಕಂಡುಬಂದಿದೆ. ಸೋಂಕಿತರಿಗೆಲ್ಲ ಉಚಿತ ಆಪ್ತ ಸಮಾಲೋಚನೆ, ಎ.ಆರ್​.ಟಿ.ಚಿಕಿತ್ಸೆ, ಗರ್ಭಿಣಿಯರು, ಹುಟ್ಟುವ ಮಕ್ಕಳಿಗೆ 18 ತಿಂಗಳವರೆಗೆ ಾಲೋಅಪ್​ ಮಾಡಲಾಗುತ್ತಿದೆ ಎಂದರು.

ಜಿಪಂ ಸಿಇಒ ರಾಹುಲ್​ ರತ್ನಂ ಪಾಂಡೆಯ, ಎಎಸ್ಪಿ ಹೇಮಂತ್​ ಕುಮಾರ್​, ಡಿಎಚ್​ಒ ಡಾ.ಟಿ.ಲಿಂಗರಾಜು, ಆರ್​ಸಿಎಚ್​ ಅಧಿಕಾರಿ ಡಾ.ಪ್ರಕಾಶ ವಿ., ಕುಟುಂಬ ಕಲ್ಯಾಣಾಧಿಕಾರಿ ಡಾ.ರವೀಂದ್ರನಾಥ, ಸರ್ವೇಕ್ಷಣಾಧಿಕಾರಿ ಡಾ.ನಂದಕುಮಾರ, ಕುಷ್ಠರೋಗ ನಿಮೂರ್ಲನಾಧಿಕಾರಿ ಡಾ.ಪ್ರಕಾಶ ಎಚ್​., ಡಾ.ವೆಂಕಟೇಶ ಇತರರಿದ್ದರು.