ಜಿಲ್ಲೆಯಲ್ಲಿ ನಾಲೆಗಳು ಹೆಚ್ಚಿವೆ. ಅಂತೆಯೇ ಇತ್ತೀಚಿನ ದಿನಗಳಲ್ಲಿ ನೆರೆ ಪರಿಸ್ಥಿತಿ ಹೆಚ್ಚಿದೆ. ನೆರೆ, ಬೆಂಕಿ ಅನಾಹುತಗಳು, ಅಪಘಾತದಲ್ಲಿ ರಕ್ತಸ್ರಾವ ಪರಿಸ್ಥಿತಿ, ನೀರಿನಲ್ಲಿ ಮುಳುಗಡೆಯಾದ ವ್ಯಕ್ತಿ ರಕ್ಷಿಸುವ ಸಂದರ್ಭ, ಸ್ವಯಂ ರಕ್ಷಣೆ ಕಲೆಗಳ ಬಗ್ಗೆ ಜಾಗೃತಿ ಮೂಡಿಸಲಾಗುವುದು. ಜ.10ರಂದು ನಗರದ ಕಲ್ಲು ಕಟ್ಟಡ(ಸರ್ಕಾರಿ ಬಾಲಕಿಯರ ಕಾಲೇಜು), 16ರಂದು ಹರ್ಡೀಕರ್ ಭವನದಲ್ಲಿ ಹಿರಿಯ ನಾಗರಿಕರು ಹಾಗೂ ಅಂಗವಿಕಲರಿಗೆ, 20ರಂದು ನೆಹರು ಯುವ ಕೇಂದ್ರದಲ್ಲಿ ಯುವ ಜನರಿಗೆ ಜಾಗೃತಿ ಮೂಡಿಸಲಾಗುತ್ತಿದೆ. ಅಂತೆಯೇ ಜ.12 ರಂದು ಪಾಂಡವಪುರ ತಾಲೂಕು ಸುಂಕತೊಣ್ಣೂರು ಗ್ರಾಪಂನಲ್ಲಿ, 13ರಂದು ಶ್ರೀರಂಗಪಟ್ಟಣ ತಾಲೂಕು ಅರಕೆರೆ ಗ್ರಾಪಂ, 18ರಂದು ಮಳವಳ್ಳಿಯ ಹಲಗೂರು ಗ್ರಾಪಂ, 11ರಂದು ಮಳವಳ್ಳಿ ತಾಲೂಕಿನ ತೊರೆಕಾಡನಹಳ್ಳಿ, 17ರಂದು ಕೆ.ಆರ್.ಪೇಟೆ ಐಸಿಎಲ್ ಕಾರ್ಖಾನೆ, 19ರಂದು ಕೆಆರ್ಎಸ್ನಲ್ಲಿ ನಡೆಯಲಿದೆ. ಸಾರ್ವಜನಿಕರು ಹಾಗೂ ವಿದ್ಯಾರ್ಥಿಗಳನ್ನು ಹೆಚ್ಚಿನ ಸಂಖ್ಯೆಯಲ್ಲಿ ಸಂಘಟಿಸುವಂತೆ ಅಧಿಕಾರಿಗಳು ತಿಳಿಸಿದ ಡಿಸಿ, ಎನ್ಡಿಆರ್ಎಫ್ ಅಧಿಕಾರಿಗಳೊಂದಿಗೆ ಕಂದಾಯ, ಅಗ್ನಿಶಾಮಕದಳ, ಆರೋಗ್ಯ, ಶಿಕ್ಷಣ ಇಲಾಖೆ ಸೇರಿದಂತೆ ಎಲ್ಲ ಇಲಾಖೆಗಳು ಸಮನ್ವಯದಿಂದ ಕಾರ್ಯನಿರ್ವಹಿಸಿ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸುವಂತೆ ಸೂಚಿಸಿದರು.
