ನಗರ, ಗ್ರಾಮೀಣ ಭಾಗದ ರಸ್ತೆಗಳಲ್ಲಿ ಎಲ್ಲೆಂದರಲ್ಲಿ ವೇಗ ತಡೆಗೆ ಹಂಪ್ಸ್ ಹಾಕಲಾಗಿದೆ. ಇದರಿಂದ ಸುಗಮ ಸಂಚಾರಕ್ಕೆ ತೊಂದರೆ ಆಗುತ್ತದೆ. ಅಪಘಾತ ಸಂಭವಿಸುವ ಸಾಧ್ಯತೆಯೂ ಅಧಿಕ. ಅವೈಜ್ಞಾನಿಕ ರಸ್ತೆ ಉಬ್ಬು ತೆರವು ಮಾಡಿ. ವೇಗ ತಡೆಗೆ ಪರ್ಯಾಯವಾಗಿ ಬ್ಯಾರಿಕೇಡ್ ಸೇರಿ ಇತರ ತಂತ್ರ ಬಳಸಿ. ರಸ್ತೆ ವಿನ್ಯಾಸಕ್ಕೆ ತಕ್ಕಂತೆ ಶಿಾರಸ್ಸಾದ ಉಬ್ಬುಗಳನ್ನು ನಿರ್ಮಿಸಿ. ಪ್ರಮುಖ ಅಪಘಾತ ವಲಯ ಗುರುತಿಸಿ. ಮುಂಜಾಗ್ರತಾ ಕ್ರಮ ಕೈಗೊಳ್ಳಿ. ನಗರದ ಒಳಗೆ ಲಾರಿ ಸೇರಿ ಭಾರಿ ವಾಹನಗಳ ಓಡಾಟಕ್ಕೆ ಸಮಯ ನಿಗದಿಪಡಿಸಿ. ಅನಗತ್ಯ ಸಂಚಾರ ತಪ್ಪಿಸಿ. ಕೊಪ್ಪಳ, ಗಂಗಾವತಿ ನಗರದಲ್ಲಿ ಪಾರ್ಕಿಂಗ್ ಸಮಸ್ಯೆ ಹೆಚ್ಚಿದೆ. ನಗರಾಡಳಿತ, ಪೊಲೀಸ್ ಇಲಾಖೆ ಸಮನ್ವಯದೊಂದಿಗೆ ಪರಿಹಾರ ಕಂಡುಕೊಳ್ಳಲು ಸೂಚಿಸಿದರು.
