ಸುಳ್ಯ ತಾಲೂಕಿನ ಪುಳಿಕುಕ್ಕು, ಎಡಮಂಗಲ, ಅಲೆಕ್ಕಾಡಿ ಜಿಲ್ಲಾ ಮುಖ್ಯ ರಸ್ತೆಯಲ್ಲಿ 6.50 ಕಿ.ಮೀ.ಗಳಲ್ಲಿ ಮಾಲೆಂಗೇರಿ ಎಂಬಲ್ಲಿ ಮೋರಿಯ ಮೇಲೆ ವಾಹನ ಸಂಚಾರ ನಿರ್ಬಂಧಿಸಿ ಎಡಮಂಗಲ-ಪುಳಿಕುಕ್ಕು, ಅಲೆಕಾರಿ ಮಾರ್ಗದಲ್ಲಿ ಸಂಚರಿಸುವ ವಾಹನಗಳು ಪರ್ಯಾಯ ಮಾರ್ಗವಾದ ಮಹಾಕಾಳಿ- ಮಾರ್ದುರಡ್ಕ- ಕಲ್ಲೆಂಬಿ- ಪೆಟ್ರೆ ಮಾರ್ಗವಾಗಿ ಸಂಚರಿಸಲು ಸೂಚಿಸಲಾಗಿದೆ. ಸುಳ್ಯ ತಾಲೂಕಿನ ಗುತ್ತಿಗಾರು ಕಮಿಲ-ಬಳ್ಪ ಜಿಲ್ಲಾ ಮುಖ್ಯ ರಸ್ತೆಯಲ್ಲಿ 0.55 ಕಿ.ಮೀ.ನಲ್ಲಿ ಚತ್ರಪ್ಪಾಡಿ ಸೇತುವೆಯಲ್ಲಿ ಭಾರಿ ವಾಹನ ಸಂಚಾರ ನಿರ್ಬಂಧಿಸಿ, ಗುತ್ತಿಗಾರು-ಕಮಿಲ-ಬಳ್ಪ ಮಾರ್ಗದಲ್ಲಿ ಸಂಚರಿಸುವ ಭಾರಿ ವಾಹನಗಳು ಪರ್ಯಾಯ ಮಾರ್ಗವಾದ ಜಬಳೆ- ಕುಕ್ಕುಜಡ್ಕ-ಪಾಜಪಳ್ಳ ಮಾರ್ಗವಾಗಿ ನಿಂತಿಕಲ್ಲು ಮೂಲಕ ಸಂಚರಿಸುವಂತೆ ಆದೇಶ ಹೊರಡಿಸಿದ್ದಾರೆ.
