ಗಂಜಾಂನ ದೇವಾಲಯದಲ್ಲಿ ಕಾರ್ಯನಿರ್ವಾಹಕ ಅಧಿಕಾರಿ ಸಿ.ಜಿ.ಕೃಷ್ಣ ಅವರ ನೇತೃತ್ವದಲ್ಲಿ ನಡೆದ ಸಮಿತಿಯ ಆಯ್ಕೆ ಪ್ರಕ್ರಿಯೆಯಲ್ಲಿ ಶ್ರೀ ರಂಗಪಟ್ಟಣ ಟೌನ್ ಕುಂಬಾರಗೇರಿ ಬೀದಿಯ ಎಸ್.ಎನ್.ದಯಾನಂದ್ ಅಧ್ಯಕ್ಷ ಸ್ಥಾನ ಅಲಂಕರಿಸಿದ್ದು, ಇವರೊಂದಿಗೆ ಸಮಿತಿಯ 8 ಮಂದಿ ನಿರ್ದೇಶಕರಲ್ಲಿ ಮಹಿಳಾ ಮೀಸಲಾತಿ ಸ್ಥಾನದಲ್ಲಿ ಗಂಜಾಂನ ಮಾರಿಗುಡಿ ಬೀದಿಯ ಭಾಗ್ಯಲಕ್ಷ್ಮೀ, ಶ್ರೀರಂಗಪಟ್ಟಣದ ಕಾಳಮ್ಮನಗುಡಿ ಬೀದಿಯ ಸುಮಲತಾ, ಪರಿಶಿಷ್ಟಜಾತಿ ಮೀಸಲಾತಿಯಲ್ಲಿ ಗಂಜಾಂನ ಅಂಬೇಡ್ಕರ್ ಬೀದಿಯ ಆರ್.ರಂಗಸ್ವಾಮಿ, ಸಾಮಾನ್ಯ ಸ್ಥಾನದಲ್ಲಿ ಗಂಜಾಂನ ಕುರಾದ್ ಬೀದಿಯ ಜಿ.ಎನ್.ಪೂರ್ಣಪ್ರಜ್ಞ , ಚಿಕ್ಕಗರಡಿ ಬೀದಿಯ ಟಿ.ಕೃಷ್ಣ, ಮಾರಿಗುಡಿ ಬೀದಿಯ ಪೈ.ಪಿ.ಬಾಲಕೃಷ್ಣ, ಚಿಕ್ಕಗರಡಿ ಹಿಂಭಾಗದ ಎಸ್.ಕೃಷ್ಣ ಹಾಗೂ ಅರ್ಚಕ ಸ್ಥಾನದಿಂದ ಪ್ರಧಾನ ಅರ್ಚಕ ಸೂರ್ಯನಾರಾಯಣಭಟ್ ನೇಮಕಗೊಂಡಿದ್ದಾರೆ. ಸಮಿತಿಯ ನೂತನ ನಿರ್ದೇಶಕರು ಹಾಗೂ ನೂತನ ಅಧ್ಯಕ್ಷರಿಗೆ ಅಭಿನಂದಿಸಿ ಶುಭ ಹಾರೈಸಿದರು.
