ಎಲ್ಲ ನ್ಯಾಯ ಬೆಲೆ ಅಂಗಡಿಗಳ ಮುಂದೆ ಜು.25ರೊಳಗೆ ಪಡಿತರ ತೆಗೆದುಕೊಂಡು ಹೋಗಬೇಕಿದೆ. ಜು.26ರ ನಂತರ ಸರ್ವರ್ ಬಂದ್ ಆಗುತ್ತದೆ ಎಂದು ಸೂಚನೆ ಅಂಟಿಸಿದ್ದಾರೆ. ಆದರೆ 2 ದಿನ ಮೊದಲೇ ಸರ್ವರ್ ಸಮಸ್ಯೆಯಿಂದ ಪಡಿತರ ವಿತರಣೆಯಲ್ಲಿ ಸಂಪೂರ್ಣ ತೊಂದರೆಯಾಗಿದೆ. ಈ ತಿಂಗಳ 16, 17ರಂದು ಗೋದಾಮಿನಿಂದ ಪಡಿತರ ಸರಬರಾಜು ಆಗಿದೆ. ಸರ್ವರ್ ಸಮಸ್ಯೆ ಇದ್ದು 26 ರೊಳಗೆ ವಿತರಣೆ ಕಷ್ಟಸಾಧ್ಯ. ಸರ್ವರ ಸಮಸ್ಯೆ ಬಗೆಹರಿಸಿ ಮತ್ತು ಈ ತಿಂಗಳ ಅಂತ್ಯದವರೆಗೆ ವಿತರಣೆಗೆ ಅವಕಾಶ ಕಲ್ಪಿಸಬೇಕು ಎಂಬುದು ವಿತರಕರು ಮತ್ತು ಫಲಾನುಭವಿಗಳ ಆಗ್ರಹವಾಗಿದೆ. ಏಕಕಾಲಕ್ಕೆ ಇಲಾಖೆಯ ವಿವಿಧ ಯೋಜನೆಗಳ ಫಲಾನುಭವಿಗಳು ತಂತ್ರಾಂಶ ಬಳಸುವುದರಿಂದ ಈ ಸಮಸ್ಯೆ ಉಂಟಾಗಿದೆ ಎನ್ನುತ್ತಾರೆ ತಾಲೂಕು ಆಹಾರ ನಿರೀಕ್ಷಕ ಜಗದೀಶ ಕುರುಬರ.
