ಸಿದ್ದನಗೌಡ ಪಾಟೀಲ್ ದೇಶದ ಮೊದಲ ಸಹಕಾರಿ ಸಂಘವನ್ನು ಸ್ಥಾಪಿಸಿದರು. ಅವರ ಪ್ರೇರಣೆಯಿಂದ ಇಂದಿನ ಲಕ್ಷಾಂತರ ಸಂಘ ಸಂಸ್ಥೆಗಳು ಸಮಾಜಮುಖಿ ಕಾರ್ಯಗಳಲ್ಲಿ ತೊಡಗಿಸಿಕೊಂಡಿದೆ. ಕೆಲವು ಆಡಳಿತ ಮಂಡಳಿಯ ದುರ್ಬಲತೆಯಿಂದ ಅನೇಕ ಸಂಘ ಸಂಸ್ಥೆಗಳು ಪ್ರಾರಂಭದ ಹಂತದಲ್ಲಿಯೇ ಮುಚ್ಚಿ ಹೋಗುವ ಪರಿಸ್ಥಿತಿ ನಿರ್ಮಾಣವಾಗಿದೆ ಎಂದು ಹೇಳಿದರು. ದಾವಣಗೆರೆ ಸಹಕಾರ ಭಾರತಿ ಹಾಗೂ ಹಾಲು ಒಕ್ಕೂಟದ ಸದಸ್ಯ ಎಚ್.ಕೆ. ಫಾಲಾಕ್ಷಪ್ಪ ಮಾತನಾಡಿ, 1978ರಲ್ಲಿ ಲಕ್ಷ್ಮಣ್ರಾವ್ ಇನಾಂದರ್ ಅವರು ಸಹಕಾರ ಭಾರತಿ ಸ್ಥಾಪಿಸಿ ಕೇವಲ 6 ವರ್ಷಗಳಲ್ಲಿ ರಾಷ್ಟ್ರವ್ಯಾಪಿ ಬೆಳೆಸಿದರು. ಸಹಕಾರ ಭಾರತಿ ಮುಂದಿನ ದಿನಗಳಲ್ಲಿ ಸಂಘಟನಾತ್ಮಕ, ರಚನಾತ್ಮಕ, ಆಂದೋಲನಾ ತ್ಮಕ ಹಾಗೂ ಪ್ರಾತಿನಿಧ್ಯಾತ್ಮಕ ಕಾರ್ಯಗಳ ಮೂಲಕ ತನ್ನ ಚಟುವಟಿಕೆಗಳನ್ನು ನಾಲ್ಕು ಪ್ರಮುಖ ವಿಭಾಗಗಳಲ್ಲಿ ಹಮ್ಮಿಕೊಂಡಿದೆ ಎಂದರು. ಡಾ.ಎಚ್.ಎಸ್. ಮಂಜುನಾಥ್ ಉಪನ್ಯಾಸ ನೀಡಿದರು. ಸಹಕಾರ ಭಾರತಿ ತಾಲೂಕಾಧ್ಯಕ್ಷ ಡಿ.ಎಸ್. ಪ್ರಸನ್ನಕುಮಾರ್ ಅಧ್ಯಕ್ಷತೆ ವಹಿಸಿದ್ದರು. ಕಾಗ್ಮ ಅಧ್ಯಕ್ಷ ಎಚ್. ಹಾಲಪ್ಪ, ತುಮ್ಕೋಸ್ ಮಾಜಿ ಅಧ್ಯಕ್ಷ ಆರ್.ಎಂ. ರವಿ, ರಾಜ್ಯ ಕಾರ್ಯಕಾರಿಣಿ ಸದಸ್ಯ ಕೆ.ಜಿ. ಸಂತೋಷ್, ರಾಷ್ಟ್ರೀಯ ಕಾರ್ಯಕಾರಿಣಿ ಸದಸ್ಯ ಎಚ್.ಎಸ್. ಮಹೇಶ್, ಜಿಲ್ಲಾ ಸಹಕಾರ ಭಾರತಿ ಅಧ್ಯಕ್ಷ ಎಚ್. ಇಂದ್ರಪ್ಪ, ಕೆ.ಪರಶುರಾಮ್, ಪಿ.ರವಿ ಇದ್ದರು.
