ಆನ್‌ಲೈನ್ ವ್ಯವಹಾರಗಳ ನಿರ್ವಹಣೆಗೆ ತರಬೇತಿ ಅಗತ್ಯ Training

ತಾಲೂಕಿನ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘಗಳ ಅಧ್ಯಕ್ಷರು, ಉಪಾಧ್ಯಕ್ಷರು ಮತ್ತು ಮುಖ್ಯ ಕಾರ್ಯನಿರ್ವಾಹಕರಿಗೆ ಮಂಗಳವಾರ ಆಯೋಜಿಸಿದ್ದ ಒಂದು ದಿನದ ವಿಶೇಷ ತರಬೇತಿ ಕಾರ್ಯಾಗಾರದಲ್ಲಿ ಮಾತನಾಡಿದರು.

ಶಿಬಿರದಲ್ಲಿ ನಿಖರವಾದ ಲೆಕ್ಕಪತ್ರ ನಿರ್ವಹಣೆ ಮತ್ತು ಸಾಲ ವಿತರಣೆ ಕುರಿತು ತರಬೇತಿ ನೀಡಲಾಗುತ್ತದೆ. ಪ್ರತಿಯೊಂದು ವ್ಯವಹಾರ ವನ್ನು ಗಣಕೀಕೃತಗೊಳಿಸ ಲಾಗುತ್ತಿದೆ, ಆನ್‌ಲೈನ್ ವ್ಯವಹಾರಗಳ ನಿರ್ವಹಣೆಗಾಗಿ ತರಬೇತಿ ಅವಶ್ಯವಾಗಿದೆ. ಸಂಘದ ನಿಯಮಾವಳಿಗಳು, ನಿರ್ಣಯ ಕೈಗೊಳ್ಳುವ ವಿಧಾನ ಮತ್ತು ಸಹಕಾರಿ ಕಾಯ್ದೆಗಳ ಕುರಿತು ಮಾಹಿತಿ ನೀಡಲಾಗುವುದು. ರೈತರಿಗೆ ಅವಶ್ಯವಿರುವ ಬೀಜ, ರಸಗೊಬ್ಬರ ವಿತರಣೆ ಮತ್ತು ಸಮಗ್ರ ಕೃಷಿ ಪದ್ಧತಿ ಕುರಿತು ನೌಕರರಿಗೆ ತರಬೇತಿ ನೀಡಲಾಗುವುದು ಎಂದರು.

ಶೂನ್ಯ ಬಡ್ಡಿದರದಲ್ಲಿ ಸಾಲಸೌಲಭ್ಯ ಕಲ್ಪಿಸಲು ಸಹಕಾರ ಸಂಘ ಪ್ರಾರಂಭಗೊಂಡವು. ಕಾಲಕ್ಕೆ ತಕ್ಕಂತೆ ಸಂಘಗಳ ಕಾಯ್ದೆಗಳು ಬದಲಾಗುತ್ತಿದ್ದು ಅದಕ್ಕೆ ಅಪ್ಡೇಟ್ ಆಗಬೇಕು ಎಂದು ತಿಳಿಸಿದರು.

ಜಿಲ್ಲಾ ಸಹಕಾರ ಒಕ್ಕೂಟದ ನಿರ್ದೇಶಕ ಜಿ.ಎಸ್. ದೀಪಕ್, ಸಹಕಾರಿ ಅಭಿವೃದ್ಧಿ ಅಧಿಕಾರಿ ವಿ. ವಿಜಯ, ಕೆ.ಜಿ. ಸುರೇಶ್, ಬೇತೂರು ಟಿ. ರಾಜಣ್ಣ, ಮುಖ್ಯ ಕಾರ್ಯನಿರ್ವಾಹಣಾಧಿಕಾರಿ ಶೈಲಜಾ ಆರ್. ಚವಾಣ್, ಜಿಲ್ಲಾ ಸಹಕಾರ ಶಿಕ್ಷಕ ಕೆ.ಎಚ್. ಸಂತೋಷ್‌ಕುಮಾರ್, ವ್ಯವಸ್ಥಾಪಕ ಕೆ.ಎಂ. ಜಗದೀಶ್ ಇತರರಿದ್ದರು.