ರಾಗಿಯನ್ನು ತಕ್ಷಣ ಮಾರದೇ ದಾಸ್ತಾನು ಮಾಡಿ

ಆನಗೋಡು ಹೋಬಳಿಯ ಆಲೂರು ಹಟ್ಟಿ ಗ್ರಾಮಕ್ಕೆ ಸೋಮವಾರ ಭೇಟಿ ನೀಡಿ ಕಟಾವಿಗೆ ಬಂದಿರುವ ರಾಗಿ ಬೆಳೆಯನ್ನು ಪರಿಶೀಲಿಸಿ ಮಾತನಾಡಿದರು.

ದಾವಣಗೆರೆ ತಾಲೂಕಿನಾದ್ಯಂತ ಮುಂಗಾರು ಹಂಗಾಮಿನಲ್ಲಿ 1170 ಹೆಕ್ಟೇರ್ ಪ್ರದೇಶದಲ್ಲಿ ರಾಗಿ ಬಿತ್ತನೆಯಾಗಿದ್ದು, ಕಟಾವು ಭರದಿಂದ ಸಾಗುತ್ತಿದೆ. ಮಾರುಕಟ್ಟೆಯಲ್ಲಿ ಕ್ವಿಂಟಲ್ ರಾಗಿ ದರ 3500 ರಿಂದ 3700 ರೂ. ನಡೆಯುತ್ತಿದ್ದು, ಬೆಳೆಗಾರರು ಕೂಡಲೇ ಮಾರಾಟ ಮಾಡದೆ ಒಣಗಿಸಿ ಸ್ವಲ್ಪ ದಿನಗಳ ಕಾಲ ದಾಸ್ತಾನು ಮಾಡಿ ಮಾರಾಟ ಮಾಡಿದರೆ ಉತ್ತಮ ಬೆಲೆ ಸಿಗಲಿದೆ ಎಂದರು.

ಕೃಷಿಯಲ್ಲಿ ಏಕ ಬೆಳೆ ಪದ್ಧತಿ ಬಿಟ್ಟು ಬಹು ಬೆಳೆ ಪದ್ಧತಿ ಅನುಸರಿಸಿದರೆ ಭೂಮಿ ಫಲವತ್ತತೆ ಹೆಚ್ಚುವುದರೊಂದಿಗೆ ಕಡಿಮೆ ಖರ್ಚಿನಲ್ಲಿ ಅಧಿಕ ಆದಾಯ ಗಳಿಸಬಹುದು ಎಂದು ಸಲಹೆ ನೀಡಿದರು. ಮೆಕ್ಕೆಜೋಳ ಕಟಾವು ಆದ ಜಮೀನಿನಲ್ಲಿ ರಾಗಿ, ಅಲಸಂದೆ ಬಿತ್ತಲು ಕಾಲಾವಕಾಶವಿದೆ. ತಾಲೂಕಿನ ಮಾಯಕೊಂಡ, ಆನಗೋಡು ರೈತ ಸಂಪರ್ಕ ಕೇಂದ್ರಗಳಲ್ಲಿ ರಾಗಿ ಮತ್ತು ಅಲಸಂದೆ ಬಿತ್ತನೆ ಬೀಜಗಳು ದಾಸ್ತಾನಿದ್ದು ಖರೀದಿಸಿ ಬಿತ್ತನೆ ಮಾಡಬಹುದು ಎಂದು ತಿಳಿಸಿದರು.

ಮಾಯಕೊಂಡ ರೈತ ಸಂಪರ್ಕ ಕೇಂದ್ರದಲ್ಲಿ ಹಿಂಗಾರು ಹಂಗಾಮಿಗೆ ರಾಗಿ 2 ಟನ್ ಮತ್ತು ಅಲಸಂದೆ ಒಂದೂವರೆ ಟನ್ ಬಿತ್ತನೆ ಬೀಜ ಈಗಾಗಲೇ ಮಾರಾಟವಾಗಿದೆ ಮತ್ತು ತಲಾ ಒಂದು ಟನ್ ರಾಗಿ ಹಾಗೂ ಅಲಸಂದೆ ಬೀಜಗಳನ್ನು ಹೆಚ್ಚುವರಿಯಾಗಿ ಕಳಿಸಿಕೊಡಲಾಗಿದೆ. ಆನಗೋಡು ರೈತ ಕೇಂದ್ರದಲ್ಲಿ 2.5 ಟನ್ ರಾಗಿ ಮತ್ತು 2 ಟನ್ ಅಲಸಂದೆ ಬಿತ್ತನೆ ಬೀಜಗಳು ಮಾರಾಟವಾಗಿದ್ದು, ಹೆಚ್ಚುವರಿಯಾಗಿ ಬಿತ್ತನೆ ಬೀಜಗಳನ್ನು ಕಳಿಸಿಕೊಡಲಾಗಿದೆ. ರೈತರು ಇದರ ಸದುಪಯೋಗ ಪಡೆದುಕೊಳ್ಳಬೇಕು ಎಂದು ಮಾಹಿತಿ ನೀಡಿದರು. ಈ ವೇಳೆ ರಾಗಿ ಬೆಳೆಗಾರರು ಮತ್ತು ಗ್ರಾಮಸ್ಥರು ಇದ್ದರು.