ಸಿದ್ಧರಾಮೇಶ್ವರರು ಜ್ಞಾನ, ಶಿವಯೋಗ, ಭಕ್ತಿಯ ಸಂಗಮ

ಪ್ರಮುಖ ಮುಖ್ಯಾಂಶಗಳು

• ಇಮ್ಮಡಿ ಸಿದ್ಧರಾಮೇಶ್ವರ ಸ್ವಾಮೀಜಿ ಬಣ್ಣನೆ
• ವಿಜೃಂಭಣೆಯ 64ನೇ ರಥೋತ್ಸವ

ದಾವಣಗೆರೆ : ಸಿದ್ಧರಾಮೇಶ್ವರರು ಕೇವಲ ಹಠಯೋಗಿ ಮತ್ತು ಪವಾಡ ಪುರುಷರಾಗಿ ಕಾಣದೆ, ಜ್ಞಾನ-ಶಿವಯೋಗ-ಭಕ್ತಿಗಳ ತ್ರಿವೇಣಿ ಸಂಗಮವಾಗಿದ್ದಾರೆ ಎಂದು ಭೋವಿ ಗುರುಪೀಠದ ಶ್ರೀ ಇಮ್ಮಡಿ ಸಿದ್ಧರಾಮೇಶ್ವರ ಸ್ವಾಮೀಜಿ ಹೇಳಿದರು.

ಆಕರ್ಷಿಸಿದ ಕಲಾ ತಂಡಗಳು

ಹಲವು ಶರಣರು ತತ್ವ, ಸಂದೇಶಗಳನ್ನು ನುಡಿದರೆ ಸಿದ್ಧರಾಮೇಶ್ವರರು ಕಾಯಕ ಪ್ರಧಾನ ಸಮಾಜಕ್ಕೆ ಆದ್ಯತೆ ನೀಡಿದರು. ಇಂದು ಅದೆಷ್ಟೋ ಶ್ರಮಿಕ ವರ್ಗಗಳಿಗೆ ಶಿವಯೋಗಿ ಸಿದ್ಧರಾಮೇಶ್ವರರೇ ಪ್ರೇರಣೆ. ಅವರಿಂದ ಲೋಕೋದ್ಧಾರದ ಕಾರ್ಯಗಳು ನಡೆದಿದ್ದವು ಎನ್ನುವುದಕ್ಕೆ ನಾಡಿನಾದ್ಯಂತ ಅವರು ನಿರ್ಮಿಸಿರುವ ಕೆರೆ ಕಟ್ಟೆಗಳು ಇಂದಿಗೂ ಸುಸ್ಥಿತಿಯಲ್ಲಿದ್ದು ಸಾಕ್ಷಿ ನುಡಿಯುತ್ತಿವೆ. ಇಂದಿನ ಕೃಷಿ ಕಾಯಕ ಚಟುವಟಿಕೆಗಳಿಗೆ ಜೀವ ಜಲವೇ ಮೂಲಾಧಾರ. ಅದಕ್ಕೆ ಪ್ರೇರಣೆ ಹನ್ನೆರಡನೇ ಶತಮಾನದ ಸಿದ್ಧರಾಮೇಶ್ವರರು.

— ಡಾ. ಬಸವಮೂರ್ತಿ ಮಾದಾರ ಚನ್ನಯ್ಯ ಸ್ವಾಮೀಜಿ, ಮಾದಾರ ಚನ್ನಯ್ಯ ಗುರುಪೀಠ