‘ಪುನೀತ್ ರಾಜ್‌ಕುಮಾರ್ ಕಪ್’ ಚೆಸ್ ಸ್ಪರ್ಧೆ 21ಕ್ಕೆ

ದಾವಣಗೆರೆ ಚೆಸ್ ಕ್ಲಬ್, ಕರ್ನಾಟಕ ಚೆಸ್ ಅಸೋಸಿಯೇಷನ್ ಸಹಯೋಗದಲ್ಲಿ ಸ್ಪರ್ಧೆ ಹಮ್ಮಿಕೊಳ್ಳಲಾಗಿದೆ. ಜಿಲ್ಲಾ ಉಸ್ತುವಾರಿ ಸಚಿವ ಎಸ್.ಎಸ್. ಮಲ್ಲಿಕಾರ್ಜುನ್, ಸಂಸದೆ ಡಾ. ಪ್ರಭಾ ಮಲ್ಲಿಕಾರ್ಜುನ್ ಕಾರ್ಯಕ್ರಮ ಉದ್ಘಾಟಿಸುವರು ಎಂದು ದಾವಣಗೆರೆ ಚೆಸ್ ಕ್ಲಬ್‌ನ ಅಧ್ಯಕ್ಷ ದಿನೇಶ್ ಕೆ. ಶೆಟ್ಟಿ ಶನಿವಾರ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

9 ಸುತ್ತುಗಳಲ್ಲಿ ಪಂದ್ಯಾವಳಿ ನಡೆಯಲಿದ್ದು, ವಿವಿಧ ಜಿಲ್ಲೆಗಳಿಂದ 400ಕ್ಕೂ ಹೆಚ್ಚು ಸ್ಪರ್ಧಾಳುಗಳು ಭಾಗವಹಿಸುವ ನಿರೀಕ್ಷೆ ಇದೆ. ವಿಜೇತರಿಗೆ ಒಟ್ಟು 1 ಲಕ್ಷ ರೂ. ಬಹುಮಾನ ಮೊತ್ತ ಮೀಸಲಿಡಲಾಗಿದೆ.

ಪ್ರಥಮ ಬಹುಮಾನವಾಗಿ ಪುನೀತ್ ಪ್ರತಿಮೆಯ ಟ್ರೋಫಿ ಜತೆಗೆ 15 ಸಾವಿರ ರೂ., ದ್ವಿತೀಯ 10 ಸಾವಿರ ರೂ., ತೃತೀಯ 5 ಸಾವಿರ ರೂ. ಚತುರ್ಥ 4 ಸಾವಿರ ರೂ., 5ನೇ ಬಹುಮಾನ 3 ಸಾವಿರ ರೂ., 6 ರಿಂದ 10ನೇ ಸ್ಥಾನ ಪಡೆಯುವ ಕ್ರೀಡಾಪಟುವಿಗೆ ತಲಾ 2 ಸಾವಿರ ರೂ., 11 ರಿಂದ 15ನೇ ಸ್ಥಾನದವರಿಗೆ ತಲಾ 1 ಸಾವಿರ ರೂ., 16 ರಿಂದ 20ನೇ ಸ್ಥಾನ ಪಡೆಯುವ ಕ್ರೀಡಾಪಟುವಿಗೆ 500 ರೂ. ಬಹುಮಾನವಿದೆ.

19 ವರ್ಷ ಮೇಲ್ಪಟ್ಟ ಮಹಿಳೆಯರಿಗೆ ಪ್ರಥಮ 2 ಸಾವಿರ ರೂ., ದ್ವಿತೀಯ-1,500 ರೂ, ತೃತೀಯ 1 ಸಾವಿರ ರೂ. ಮತ್ತು ಟ್ರೋಫಿ, 4 ರಿಂದ 10ನೇ ಸ್ಥಾನ ಪಡೆಯುವವರಿಗೆ ಟ್ರೋಫಿ ನೀಡಲಾಗುವುದು. 40 ಮತ್ತು 59 ವರ್ಷ ಮೇಲ್ಪಟ್ಟ ವಯಸ್ಕ ಕ್ರೀಡಾಪಟುಗಳಿಗೆ ಪ್ರಥಮ- 2 ಸಾವಿರ ರೂ, ದ್ವಿತೀಯ 1,500, ತೃತೀಯ 1 ಸಾವಿರ ರೂ. ಮತ್ತು ಟ್ರೋಫಿ, 4ನೇ ರಿಂದ 10ನೇ ಸ್ಥಾನ ಪಡೆದವರಿಗೆ ಟ್ರೋಫಿ ನೀಡಲಾಗುವುದು.

7, 9, 11, 13, 15, 17, 19 ವರ್ಷದೊಳಗಿನ ಮಕ್ಕಳಿಗೆ ಪ್ರಥಮ ಬಹುಮಾನವಾಗಿ 1.500 ರೂ., ದ್ವಿತೀಯ 1 ಸಾವಿರ ರೂ, ತೃತೀಯ 500 ರೂ. ಹಾಗೂ ಟ್ರೋಫಿ, 4ರಿಂದ 10ನೇ ಸ್ಥಾನ ಪಡೆದವರಿಗೆ ಪ್ರತ್ಯೇಕ ಪಾರಿತೋಷಕ ನೀಡಲಾಗುವುದು. ದಾವಣಗೆರೆಯ ಉತ್ತಮ ಚದುರಂಗ ಆಟಗಾರರಿಗೆ 20 ವಿಶೇಷ ಟ್ರೋಫಿ ವಿತರಿಸಲಾಗುವುದು. ಅಂತಾರಾಷ್ಟ್ರೀಯ ತೀರ್ಪುಗಾರ ಬಿ.ಎಚ್.ವಸಂತ್ ತೀರ್ಪು ನೀಡುವರು.

ಆಸಕ್ತ ಕ್ರೀಡಾಪಟುಗಳು ಡಿ.19ರ ರಾತ್ರಿ ಒಳಗಾಗಿ ಹೆಸರು ನೋಂದಾಯಿಸಿಕೊಳ್ಳಬಹುದು. ಚೆಸ್ ಪ್ರೇಮಿಗಳು ಇದರ ಲಾಭ ಪಡೆಯಬೇಕೆಂದು ಮನವಿ ಮಾಡಿದರು. ಸುದ್ದಿಗೋಷ್ಠಿಯಲ್ಲಿ ಕಾರ್ಯದರ್ಶಿ ಯುವರಾಜ್, ವರುಣ್, ಅಯೂಬ್ ಪೈಲ್ವಾನ್, ಕೆ.ಜಿ. ಶಿವಕುಮಾರ್ ಇದ್ದರು.