ಷಹಾಜಿ ಸಮಾಧಿ ಸ್ಥಳ ವಿಶ್ವಮಟ್ಟದಲ್ಲಿ ಗುರುತಿಸಿಕೊಳ್ಳಲಿ Shahaji's

ತಾಲೂಕಿನ ಹೊದಿಗೆರೆ ಗ್ರಾಮದಲ್ಲಿರುವ ಛತ್ರಪತಿ ಷಹಾಜಿ ರಾಜೇ ಬೋಂಸ್ಲೆಯವರ ಸಮಾಧಿ ಸ್ಥಳಕ್ಕೆ ಗುರುವಾರ ಭೇಟಿ ನೀಡಿ ಮಾತನಾಡಿದರು.

ಮರಾಠ ಸಾಮ್ರಾಜ್ಯದ ಸಂಸ್ಥಾಪಕರಾದ ಷಹಾಜಿರಾಜೇ ಭೋಂಸ್ಲೆ ಮಹಾರಾಜರು ಇಲ್ಲದಿದ್ದರೆ ವೀರ ಶಿವಾಜಿ ಮಹಾರಾಜರಂತಹ ಧೀಮಂತ ರಾಜ ಹುಟ್ಟುತ್ತಿರಲಿಲ್ಲ ಮತ್ತು ಹಿಂದೂ ಸ್ವರಾಜ್ಯದ ಸ್ಥಾಪನೆ ಸಾಧ್ಯವಾಗುತ್ತಿರಲಿಲ್ಲ. ಮೊಘಲರ ಹಾವಳಿಯಿಂದ ನಲುಗಿಹೋಗಿದ್ದ ಹಿಂದೂಸ್ಥಾನವನ್ನು ಒಗ್ಗೂಡಿಸುವ ಮತ್ತು ಹಿಂದೂ ಸಾಮ್ರಾಜ್ಯವನ್ನು ಕಟ್ಟುವ ಉದ್ದೇಶದಿಂದ ಜೀವದ ಹಂಗು ತೊರೆದು ಹೋರಾಡಿದ ಮೊದಲ ರಾಜರಾಗಿದ್ದಾರೆ. ಅಂದು ಅವರು ಹೋರಾಡದಿದ್ದರೆ ಇಂದು ದೇಶ ಪರಕೀಯರ ಕೈಯಲ್ಲಿರುತ್ತಿತ್ತು ಎಂದು ಸ್ಮರಿಸಿದರು.

ಕರ್ನಾಟಕದಲ್ಲಿ ಬರೋಬ್ಬರಿ 26 ವರ್ಷಗಳ ಕಾಲ ಬೆಂಗಳೂರನ್ನು ಆಡಳಿತ ಕೇಂದ್ರವಾಗಿಟ್ಟುಕೊಂಡು ಇಂದಿನ ಚಿಕ್ಕಪೇಟೆ, ಅಕ್ಕಿಪೇಟೆ, ಗಾಣಿಗರ ಪೇಟೆಗಳನ್ನು ಅಭಿವೃದ್ಧಿಪಡಿಸಿದ ಕೀರ್ತಿ ಷಹಾಜಿ ಮಹಾರಾಜರಿಗೆ ಸಲ್ಲುತ್ತದೆ. ಛತ್ರಪತಿ ಶಿವಾಜಿ ಮಹಾರಾಜರಿಗೆ ಸ್ವತಂತ್ರವಾಗಿ ದೇಶ ಆಳುವ ಧೈರ್ಯ ಮತ್ತು ರಾಜಕೀಯ ಅನುಭವ ನೀಡಿದ್ದೇ ಇವರು. ಆದರೆ, ಇಂತಹ ಮಹಾಪುರುಷನ ಸಮಾಧಿ ಇಂದು ಅನಾಥವಾಗಿರುವುದು ಬೇಸರದ ಸಂಗತಿ. ಇದೇ ಬೇರೆ ಕೋಮಿನ ಸಮಾಧಿಯಾಗಿದ್ದರೆ ಸರ್ಕಾರದ ಮೇಲೆ ಒತ್ತಡ ಹಾಕಿ ಅನುದಾನ ತಂದು ಅಭಿವೃದ್ಧಿಪಡಿಸುತ್ತಿದ್ದರು. ಈ ಸ್ಥಳದ ಜೀರ್ಣೋದ್ಧಾರಕ್ಕಾಗಿ ಪ್ರತಿಯೊಬ್ಬ ಹಿಂದೂಗಳು ಒಗ್ಗೂಡಬೇಕಿದೆ ಎಂದರು. ಮರಾಠ ಸಮಾಜದ ತಾಲೂಕಾಧ್ಯಕ್ಷ ಎಂ.ಬಿ. ಶಿವಾಜಿರಾವ್, ವೇದಮೂರ್ತಿ, ಬಜರಂಗದ ದಳ ಜಿಲ್ಲಾ ಸಂಚಾಲಕ ಎನ್. ರವಿಚಂದ್ರ, ಅಣ್ಣೋಜಿರಾವ್, ವಿಷ್ಣು, ಶಿವಾಜಿ, ಕಾಯಿ ಮಂಜಣ್ಣ ಇತರರಿದ್ದರು.