ನೂರಾರು ಹಳ್ಳಿಗಳಿಗೆ ತತ್ವಾರ: ಭದ್ರಾ ನಾಲೆಯ ಬಲದಂಡೆ ಅಚ್ಚುಕಟ್ಟು ವ್ಯಾಪ್ತಿಗೆ ಒಳಪಟ್ಟಿರುವ ಕಂದಗಲ್ಲು, ಮಳಲ್ಕೆರೆ, ಬಾಡ, ಅತ್ತಿಗೆರೆ, ರಾಮಗೊಂಡನಹಳ್ಳಿ, ತೊಗಲೇರಿ, ಗೋಪನಾಳ, ಲೋಕಿಕೆರೆ, ಹೂವಿನಮಡು, ಗೋಣಿವಾಡ, ಹದಡಿ, ಮುದಹದಡಿ, ಮಾಗನಹಳ್ಳಿ, ಕಡ್ಲೆಬಾಳು, ದೊಡ್ಡಬಾತಿ, ಕುಂದವಾಡ, ತುರ್ಚಗಟ್ಟಗಳಿಗೆ ಈ ಬಾರಿ ನೀರಿನ ಕೊರತೆ ಎದುರಿಸುವ ಸಾಧ್ಯತೆಯಿದೆ ಎನ್ನುತ್ತಾರೆ ಕೃಷಿ ಮತ್ತು ನೀರಾವರಿ ಇಲಾಖೆ ಅಧಿಕಾರಿಗಳು. ಭತ್ತದ ನಾಟಿಗೆ ನೀರಿನ ಕೊರತೆ ಎದುರಾಗಿದ್ದು, ರೈತರು ಗದ್ದೆಗಳನ್ನು ಹದಗೊಳಿಸಲು ಮುಂದಾಗಿಲ್ಲ. ಮಾಗಡಿ ಹೋಬಳಿಯ ಬಾಡ, ಮಳಲ್ಕೆರೆ, ಅತ್ತಿಗೆರೆ ವ್ಯಾಪ್ತಿ ಯಲ್ಲಿ ನೂರಾರು ಎಕರೆ ಪ್ರದೇಶದ ಗದ್ದೆಗಳು ಕೃಷಿ ಚಟುವಟಿಕೆಗಳಿಲ್ಲದೆ ಭಣಗುಡುತ್ತಿವೆ.
