ಮೈಸೂರು-ಮಂಡ್ಯ ಜಿಲ್ಲೆಗಳಿಂದ ಸಗಣಿ ಗೊಬ್ಬರ ಆಮದು!

ಪ್ರಮುಖ ಮುಖ್ಯಾಂಶಗಳು

• ಕ್ಷೀಣಿಸುತ್ತಿದೆ ಜಾನುವಾರುಗಳ ಸಂಖ್ಯೆ
• ಆಧುನಿಕತೆಗೆ ಒಗ್ಗಿದ ರೈತರು
• ನಶಿಸುತ್ತಿದೆ ಪಶುಸಂಗೋಪನೆ

ಇತ್ತೀಚಿನ ದಿನಗಳಲ್ಲಿ ಜಾನುವಾರುಗಳ ಸಂಖ್ಯೆ ಕಡಿಮೆ ಯಾಗಿದೆ. ರೈತರು ತಮ್ಮ ಮನೆಗಳಲ್ಲಿ ಹಸು, ಕುರಿ, ಕೋಳಿ, ಎತ್ತುಗಳನ್ನು ಸಾಕಿದರೆ ಉತ್ತಮ ಆದಾಯ ಪಡೆಯುವುದರೊಂದಿಗೆ ಆರ್ಥಿಕವಾಗಿ ಸಬಲರಾಗಬಹುದು. ಜತೆಗೆ, ಸಗಣಿ ಗೊಬ್ಬರಕ್ಕೆ ಅನುಕೂಲ ಆಗುತ್ತದೆ ಮತ್ತು ನಿರಂತರ ಜಾನುವಾರುಗಳ ಕೆಲಸ ಮಾಡುವುದರಿಂದ ಆರೋಗ್ಯವನ್ನೂ ಚೆನ್ನಾಗಿ ಕಾಪಾಡಿಕೊಳ್ಳಬಹುದು.

ಅಡಕೆ ತೋಟಗಳಿಗೆ ರಾಸಾಯನಿಕ ಗೊಬ್ಬರಗಳನ್ನು ಹೆಚ್ಚು ಬಳಸಿದರೆ ಮರಗಳ ಬಾಳಿಕೆ ಕ್ಷೀಣಿಸುತ್ತದೆ. ಹಾಗಾಗಿ ಅಡಕೆ, ದಾಳಿಂಬೆ ಮತ್ತು ಪೇರಲೆ ತೋಟಗಳಿಗೆ ಪ್ರತಿ ವರ್ಷ ದೂರದ ಮೈಸೂರು, ಮಂಡ್ಯ ಜಿಲ್ಲೆಗಳಿಂದ 15 ರಿಂದ 20 ಲೋಡ್ ಸಗಣಿ ಗೊಬ್ಬರವನ್ನು ಆಮದು ಮಾಡಿಕೊಂಡು ಬಳಸುತ್ತೇವೆ.