ಅಜ್ಞಾನ ನಿವಾರಣೆಗೆ ಉನ್ನತ ಶಿಕ್ಷಣವೇ ಮಾರ್ಗ

ತಾಲೂಕು ಕಚೇರಿ ಸಭಾಂಗಣದಲ್ಲಿ ಮಂಗಳವಾರ ತಾಲೂಕು ಆಡಳಿತದಿಂದ ಹಮ್ಮಿಕೊಂಡಿದ್ದ ವೀರ ವನಿತೆ ಒನಕೆ ಓಬವ್ವ ಜಯಂತಿ ಕಾರ್ಯಕ್ರಮದಲ್ಲಿ ಮಾತನಾಡಿದರು.

ಒನಕೆ ಓಬವ್ವಳ ಸಮಯಪ್ರಜ್ಞೆ ಮತ್ತು ಮನೋಬಲ ಇಂದಿನ ಯುವಜನತೆಗೆ ಸ್ಫೂರ್ತಿ ನೀಡುತ್ತದೆ. ಭಾವನಾತ್ಮಕ ಕಥೆಗಳಲ್ಲದೆ ವಾಸ್ತವ ಚರಿತ್ರೆಯ ಅರಿವು ಸಮಾಜವನ್ನು ಜಾಗೃತಿಗೊಳಿಸುತ್ತದೆ. ಅಜ್ಞಾನ ನಿವಾರಣೆಗೆ ಉನ್ನತ ಶಿಕ್ಷಣವೇ ಮಾರ್ಗ ಎಂದು ಸಲಹೆ ನೀಡಿದರು.

ಬಿ.ಆರ್.ಅಂಬೇಡ್ಕರ್, ಮಹಾತ್ಮ ಗಾಂಧೀಜಿ, ಬಸವಣ್ಣ, ಛತ್ರಪತಿ ಶಿವಾಜಿ ಮಹಾರಾಜ್ ಮೊದಲಾದ ಮಹನೀಯರ ಆದರ್ಶಗಳನ್ನು ಜೀವನದಲ್ಲಿ ಅಳವಡಿಸಿಕೊಂಡರೆ ನಾವು ಸಮಾಜಕ್ಕೆ ನಿಸ್ವಾರ್ಥ ಸೇವೆ ಮತ್ತು ಮೌಲ್ಯಾಧಾರಿತ ಕೊಡುಗೆ ನೀಡಲು ಸಾಧ್ಯ ಎಂದರು.

ಮರಾಠ ಸಮುದಾಯಗಳ ಅಭಿವೃದ್ಧಿ ನಿಗಮದ ಅಧ್ಯಕ್ಷ ಜಿ.ಎಚ್. ಮರಿಯೋಜಿರಾವ್ ಮಾತನಾಡಿ, ಯುದ್ಧ ಪ್ರಪಂಚದ ಬಗ್ಗೆ ವಿಶೇಷ ಜ್ಞಾನವಿಲ್ಲದಿದ್ದರೂ, ಸಂದರ್ಭವನ್ನು ಅರ್ಥಮಾಡಿಕೊಂಡು ಧೈರ್ಯ ಮತ್ತು ಸಮಯಪ್ರಜ್ಞೆಯಿಂದ ಹೈದರಾಲಿ ಸೈನ್ಯದ ವಿರುದ್ಧ ಧೈರ್ಯದಿಂದ ಹೋರಾಡಿದ ಓಬವ್ವ ಅವರ ಪರಾಕ್ರಮ ಇತಿಹಾಸದಲ್ಲಿ ಅಚ್ಚಳಿಯದ ಗುರುತು ಎಂದು ಹೇಳಿದರು. 

ಇತಿಹಾಸ ಮರೆತವರು ಹೊಸ ಇತಿಹಾಸವನ್ನು ನಿರ್ಮಿಸಲಾರರು. ವಾಸ್ತವ ಚರಿತ್ರೆಯನ್ನು ಅರಿತು, ಅದರಿಂದ ಪ್ರೇರಣೆ ಪಡೆಯುವುದು ಅವಶ್ಯ. ಅದರಂತೆ ಓಬವ್ವ ಮುಂತಾದ ಇತಿಹಾಸ ನಿರ್ಮಿತರ ಚರಿತ್ರೆಗಳನ್ನು ಇಂದಿನ ಮಹಿಳೆಯರು ಅಧ್ಯಯನದ ಮೂಲಕ ಬದುಕಿನಲ್ಲಿ ಅಳವಡಿಸಿಕೊಳ್ಳುವ ಪ್ರಯತ್ನ ಮಾಡಬೇಕು ಎಂಬ ಆಶಯ ವ್ಯಕ್ತಪಡಿಸಿದರು. ನಗರಸಭೆ ಪೌರಾಯುಕ್ತ ಎಂ.ಪಿ. ನಾಗಣ್ಣ, ಆರೋಗ್ಯಾಧಿಕಾರಿ ಡಾ. ಅಬ್ದುಲ್ ಖಾದರ್, ಸಮಾಜ ಕಲ್ಯಾಣ ಇಲಾಖೆಯ   ಹನುಮಂತಪ್ಪ ಲಮಾಣಿ, ಕೃಷಿ ಇಲಾಖೆಯ ನಟರಾಜ್, ಪಶು ಸಂಗೋಪನೆ ಇಲಾಖೆಯ ತಿಪ್ಪೇಸ್ವಾಮಿ, ಛಲವಾದಿ ಸಮಾಜದ ಅಧ್ಯಕ್ಷ ಡಾ. ಜಗನ್ನಾಥ್ ಇತರರು ಇದ್ದರು.