ಸಾಂಸ್ಕೃತಿಕ ಅಧಃಪತನದಿಂದ ದೌರ್ಜನ್ಯ ಹೆಚ್ಚಳ

ಅಖಿಲ ಭಾರತ ಮಹಿಳಾ ಸಾಂಸ್ಕೃತಿಕ ಸಂಘಟನೆ ಜಿಲ್ಲಾ ಘಟಕದಿಂದ ಹರಿಹರ ಬಸ್ ನಿಲ್ದಾಣದ ಬಳಿ ಸೋಮವಾರ ಹಮ್ಮಿಕೊಂಡಿದ್ದ, ಮಹಿಳೆಯರು ಮತ್ತು ಮಕ್ಕಳ ಮೇಲಿನ ದೌರ್ಜನ್ಯಗಳ ವಿರುದ್ಧದ ಸಹಿ ಸಂಗ್ರಹಣಾ ಚಳವಳಿ ವೇಳೆ ಮಾತನಾಡಿದರು.

ಹುಬ್ಬಳ್ಳಿಯಲ್ಲಿ ಗರ್ಭಿಣಿ ಮೇಲಿನ ಮರ್ಯಾದಾ ಹತ್ಯೆ ಪ್ರಕರಣ ಸಮುದಾಯವನ್ನೇ ಆಘಾತಕ್ಕೀಡು ಮಾಡಿದೆ. ಇಂತಹ ಕೃತ್ಯಗಳು ನಾಗರೀಕ ಸಮಾಜದ ಅಂತಃಸಾಕ್ಷಿಯ ಕದ ತಟ್ಟುತ್ತಿದೆ. ಹೆಣ್ಣುಮಕ್ಕಳಿಗೆ ಶಿಕ್ಷಣ, ಆರೋಗ್ಯ, ಉದ್ಯೋಗ ಭದ್ರತೆ ನೀಡುವುದು ಹಾಗೂ ಸ್ತ್ರೀ-ಪುರುಷ ಭೇದವಿಲ್ಲದ ಬಲಿಷ್ಟ ಹೋರಾಟವೇ ಇದಕ್ಕೆ ಪರಿಹಾರ ಎಂದು ಹೇಳಿದರು.

ಸಂಘಟನೆಯ ಜಿಲ್ಲಾ ಉಪಾಧ್ಯಕ್ಷೆ ಬನಶ್ರೀ ಮಾತನಾಡಿ, ನ್ಯಾನೋ ಉಪಗ್ರಹವನ್ನು ತಾವೇ ವಿನ್ಯಾಸಗೊಳಿಸಿ ಅಭಿವೃದ್ಧಿಪಡಿಸಿದ ನಾರಿಯರು 2025ರ ವಿಶ್ವ ಕಪ್ ಕ್ರಿಕೆಟ್‌ನಲ್ಲಿ ಚೊಚ್ಚಲ ಪ್ರಶಸ್ತಿ ಮುಡಿಗೇರಿಸಿಕೊಂಡ ತನುಜೆಯರು ಪುರುಷರ ಪ್ರಾಬಲ್ಯಕ್ಕೆ ಸೆಡ್ಡು ಹೊಡೆದು ಭಾರತದ ಇತಿಹಾಸಕ್ಕೆ ಹೊಸ ಅಧ್ಯಾಯಗಳನ್ನು ಬರೆದಿದ್ದಾರೆ ಎಂದರು.

ದಸರಾದಲ್ಲಿ ಬಲೂನು ಮಾರಾಟ ಮಾಡುವ ಕಂದಮ್ಮನ ಮೇಲೂ ಕ್ರೂರ ಅತ್ಯಾಚಾರ ನಡೆದಿದೆ. ಕರ್ನಾಟಕದಲ್ಲಿ ಮಿತಿಮೀರಿದ ಬಾಲ್ಯವಿವಾಹ, ಸ್ತ್ರೀ ಭ್ರೂಣ ಹತ್ಯೆ, ವರದಕ್ಷಿಣೆ ಕಿರುಕುಳ, ಬಾಲ ಗರ್ಭಿಣಿ ಮೊದಲಾದ ಪ್ರಕರಣಗಳು ದಿನೇ ದಿನೇ ಹೆಚ್ಚುತ್ತಿವೆ. ಇದನ್ನು ನಿಯಂತ್ರಿಸಲು ಶಾಸಕಾಂಗ, ನ್ಯಾಯಾಂಗ ವ್ಯವಸ್ಥೆ ಇನ್ನಷ್ಟು ಕಠಿಣ ಕ್ರಮ ರೂಪಿಸಬೇಕು ಎಂದರು.

ಸಾರ್ವಜನಿಕರು ಆಂದೋಲನದಲ್ಲಿ ಸಹಿ ಹಾಕಿ ಸಹಮತ ವ್ಯಕ್ತಪಡಿಸಿದರು. ಸಂಘಟನಾಕಾರರಾದ ಕೆ.ಭಾರತಿ, ಮಮತಾ, ಸುಷ್ಮಾ, ಮಂಜುಳಮ್ಮ, ಕವಿತಾ ಇತರರಿದ್ದರು.