ವಿದ್ಯಾರ್ಥಿಗಳ ಮೇಲೆ ಲಾಠಿ ಪ್ರಹಾರಕ್ಕೆ ಖಂಡನೆ

ಪಕ್ಷದ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ, ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕಾ ಗಾಂಧಿ ವಾದ್ರಾ, ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಅವರೊಂದಿಗೆ ದಾವಣಗೆರೆ ಸಂಸದೆ ಡಾ. ಪ್ರಭಾ ಮಲ್ಲಿಕಾರ್ಜುನ್ ಅವರೂ ಭಾಗಿಯಾಗಿದ್ದರು.

ಪ್ರತಿಭಟನೆಯ ವೇಳೆ ಪ್ರಧಾನಿ ಮೋದಿ ಹಾಗೂ ಕೇಂದ್ರ ಸರ್ಕಾರದ ವಿರುದ್ಧ ಘೋಷಣೆಗಳನ್ನು ಕೂಗಿದ ನಾಯಕರು, ವಿದ್ಯಾರ್ಥಿಗಳ ಮೇಲೆ ನಡೆದಿರುವ ದೌರ್ಜನ್ಯವನ್ನು ತೀವ್ರವಾಗಿ ಖಂಡಿಸಿದರು.

ಈ ಸಂದರ್ಭದಲ್ಲಿ ವಿಪಕ್ಷ ನಾಯಕ ರಾಹುಲ್ ಗಾಂಧಿ ಹಾಗೂ ಇತರ ನಾಯಕರು ಮಾತನಾಡಿದರು.

ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘಗಳ ಆಧುನೀಕರಣ, ಗಣಕೀಕರಣ ಹಾಗೂ ಗ್ರಾಮೀಣ ಪ್ರದೇಶಗಳಲ್ಲಿ ಕಡಿಮೆ ವೆಚ್ಚದ ಸಾಲ ಸೌಲಭ್ಯ ವಿಸ್ತರಣೆ ಕುರಿತು ದಾವಣಗೆರೆ ಸಂಸದೆ ಡಾ. ಪ್ರಭಾ ಮಲ್ಲಿಕಾರ್ಜುನ್ ಚುಕ್ಕಿರಹಿತ ಪ್ರಶ್ನೆ ಮೂಲಕ ಸಹಕಾರ ಸಚಿವಾಲಯದಿಂದ ಮಾಹಿತಿ ಕೋರಿದ್ದರು.

ದೇಶಾದ್ಯಂತ ಪಿಎಸಿಎಸ್‌ಗಳ ಗಣಕೀಕರಣದ ಪ್ರಗತಿ, ರಾಜ್ಯವಾರು ಡಿಜಿಟಲ್ ವೇದಿಕೆಗಳೊಂದಿಗೆ ಏಕೀಕರಣ, ಗ್ರಾಮೀಣ ಸಾಲ ವಿತರಣೆಯ ಮೇಲಿನ ಪರಿಣಾಮ, ಕಡಿಮೆ ವೆಚ್ಚದ ಸಾಲ ಸೌಲಭ್ಯ ವಿಸ್ತರಣೆಗೆ ಕೈಗೊಂಡಿರುವ ಕ್ರಮಗಳು ಹಾಗೂ ದಾವಣಗೆರೆ ಜಿಲ್ಲೆಯಲ್ಲಿನ ಪಿಎಸಿಎಸ್ ಆಧುನೀಕರಣದ ಸ್ಥಿತಿಗತಿ ಕುರಿತು ಪ್ರಶ್ನಿಸಿದ್ದರು.

ಇದಕ್ಕೆ ಉತ್ತರಿಸಿದ ಕೇಂದ್ರ ಸರ್ಕಾರ, ಪಿಎಸಿಎಸ್ ಇಆರ್ ಪಿ ವ್ಯವಸ್ಥೆಯನ್ನು ವಿವಿಧ ರಾಜ್ಯಗಳ ಸರ್ಕಾರಿ ಡಿಜಿಟಲ್ ವೇದಿಕೆಗಳು, ಕಾಮನ್ ಸರ್ವೀಸ್ ಸೆಂಟರ್, ಪ್ರಧಾನಮಂತ್ರಿ ಭಾರತೀಯ ಜನೌಷಧ ಕೇಂದ್ರ ಹಾಗೂ ಕಿಸಾನ್ ರಿನ್ ಪೋರ್ಟಲ್‌ನೊಂದಿಗೆ ಏಕೀಕರಿಸಲಾಗಿದೆ ಎಂದು ತಿಳಿಸಿದೆ.

ದೇಶಾದ್ಯಂತ ಸುಮಾರು 50 ಸಾವಿರ ಪಿಎಸಿಎಸ್‌ಗಳು ಇಪಿಎಸಿಎಸ್ ವ್ಯವಸ್ಥೆಯ ಮೂಲಕ ಡಿಜಿಟಲ್ ಸಾಲ ವಿತರಣೆ ನಡೆಸುತ್ತಿದ್ದು, ಇಆರ್‌ಪಿ ವ್ಯವಸ್ಥೆ ಮೂಲಕ ಸಾಲ ವಿತರಣೆ ಮತ್ತು ಫಲಾನುಭವಿಗಳ ಮಾಹಿತಿಯನ್ನು ನಿರ್ವಹಿಸಲಾಗುತ್ತಿದೆ ಎಂದು ಸರ್ಕಾರ ತಿಳಿಸಿದೆ.

ದಾವಣಗೆರೆ ಜಿಲ್ಲೆಯಲ್ಲಿರುವ 185 ಪಿಎಸಿಎಸ್‌ಗಳಲ್ಲಿ 176 ಸಂಘಗಳನ್ನು ಗಣಕೀಕರಣಕ್ಕೆ ಆಯ್ಕೆ ಮಾಡಲಾಗಿದ್ದು, 164 ಸಂಘಗಳು ಇಆರ್ ಪಿ ವ್ಯವಸ್ಥೆಗೆ ಸೇರ್ಪಡೆಗೊಂಡಿವೆ. ಇವುಗಳಲ್ಲಿ 153 ಸಂಘಗಳಲ್ಲಿ ಗೋ-ಲಿವ್ ಪ್ರಕ್ರಿಯೆ ಪೂರ್ಣಗೊಂಡಿದ್ದು, ಎಲ್ಲ ವ್ಯವಹಾರಗಳು ಆನ್‌ಲೈನ್‌ನಲ್ಲಿ ನಡೆಯುತ್ತಿವೆ ಎಂದು ಮಾಹಿತಿ ನೀಡಿದೆ.

ಜಿಲ್ಲೆಯ 156 ಪಿಎಸಿಎಸ್‌ಗಳನ್ನು ಸಿಎಸ್‌ಸಿಗೆ ಸಂಪರ್ಕಿಸಲಾಗಿದ್ದು, ಅವುಗಳಲ್ಲಿ 76 ಕೇಂದ್ರಗಳು ಸಕ್ರಿಯವಾಗಿ ಕಾರ್ಯನಿರ್ವಹಿಸುತ್ತಿವೆ. ಈ ಕೇಂದ್ರಗಳ ಮೂಲಕ ಗ್ರಾಮೀಣ ಜನರಿಗೆ ಎಲ್‌ಐಸಿ ಪ್ರೀಮಿಯಂ ಪಾವತಿ, ವಿದ್ಯುತ್ ಬಿಲ್ ಪಾವತಿ, ಬೆಳೆ ವಿಮೆ, ಜೀವ ಹಾಗೂ ವಾಹನ ವಿಮೆ, ಆರ್‌ಟಿಸಿ ಸೇರಿ ವಿವಿಧ ಭೂ ದಾಖಲೆ ಸೇವೆಗಳು ಲಭ್ಯವಾಗುತ್ತಿವೆ ಎಂದು ಸರ್ಕಾರ ತಿಳಿಸಿದೆ.