ಸಂದಿಗ್ಧದಲ್ಲಿ ಭದ್ರಾ ಅಚ್ಚುಕಟ್ಟು ರೈತ

ಪ್ರಮುಖ ಮುಖ್ಯಾಂಶಗಳು

• ರೈತ ಮುಖಂಡರಲ್ಲೇ ಭಿನ್ನ ಅಭಿಪ್ರಾಯ
• ಐಸಿಸಿ ಸಭೆ ಕರೆಯಲು ಒತ್ತಡ

ರಮೇಶ ಜಹಗೀರದಾರ್ ದಾವಣಗೆರೆ :

ಭತ್ತ ನಾಟಿ ಮಾಡಲು ಸಮಯ ಮೀರುವ ಮುನ್ನವೇ ಭದ್ರಾ ಜಲಾಶಯದ ನೀರನ್ನು ನಾಲೆಗಳಿಗೆ ಹರಿಸುವ ಸಂಬಂಧ ಸರ್ಕಾರ ನಿರ್ಧಾರಕ್ಕೆ ಬರಬೇಕಿದೆ. ನೀರಾವರಿ ಸಲಹಾ ಸಮಿತಿಯ ಸಭೆ ಕರೆದು ತೀರ್ಮಾನಿಸಬೇಕು ಎನ್ನುವ ಒತ್ತಡ ರೈತ ಮುಖಂಡರಿಂದ ಬರುತ್ತಿದೆ. ಡ್ಯಾಮ್‌ನ ಒಳಹರಿವು, ನೀರಿನ ಸಂಗ್ರಹ ಆಧರಿಸಿ ಸರ್ಕಾರ ಮುಂದಿನ ಹೆಜ್ಜೆ ಇಡಬೇಕಿದೆ.

ಮಳೆಗಾಲಕ್ಕೋ ಬೇಸಿಗೆಗೊ?

ರೈತರ ಜೀವನ ಮುಂಗಾರು ಜತೆಗಿನ ಜೂಜಾಟ ಎಂಬುದು ಅಕ್ಷರಶಃ ನಿಜ. ಭದ್ರಾ ಅಚ್ಚುಕಟ್ಟು ರೈತರ ಸ್ಥಿತಿಯೂ ಅದೇ ಆಗಿದೆ. ಜಲಾಶಯದ ಒಳಹರಿವು ಕಡಿಮೆ ಇದೆ. ನೀರಿನ ಮಟ್ಟ 170 ಅಡಿಯಾದರೂ ತಲುಪಿದರೆ ಒಳ್ಳೆಯದು. ಬೇಸಿಗೆಯಲ್ಲಿ ಹೇಗೆ ಎಂಬುದನ್ನೂ ಆಲೋಚಿಸಬೇಕಿದೆ. ಈಗ ನಿರ್ಧಾರ ತೆಗೆದುಕೊಳ್ಳುವುದು ಸವಾಲಿನ ಕೆಲಸವಾಗಿದೆ. ನೀರಾವರಿ ಸಲಹಾ ಸಮಿತಿ ಸಭೆ ಕರೆದು ಚರ್ಚಿಸಬೇಕು. ನನ್ನ ಪ್ರಕಾರ ಐಸಿಸಿ ಸಭೆಗಳಲ್ಲಿ ರೈತರು ಮತ್ತು ಅಧಿಕಾರಿಗಳಷ್ಟೇ ಇರಬೇಕು.

— ತೇಜಸ್ವಿ ಪಟೇಲ್, ರೈತ ಮುಖಂಡ