ಭ್ರೂಣಹತ್ಯೆ ವಿರುದ್ಧದ ಗಟ್ಟಿಧ್ವನಿಯಾಗಿ

ಪ್ರಮುಖ ಮುಖ್ಯಾಂಶಗಳು

• ನಿಮ್ಮಲ್ಲಿನ ದುರ್ಗೆಯನ್ನು ಬಡಿದೆಬ್ಬಿಸಿ
• ಮಹಿಳಾ ಆಯೋಗದ ಅಧ್ಯಕ್ಷೆ ನಾಗಲಕ್ಷ್ಮೀ ಚೌಧರಿ ಹೇಳಿಕೆ
• ದಾವಣಗೆರೆ ಜಿಲ್ಲಾ ಪ್ರಥಮ ಸ್ತ್ರೀ ಸಾಹಿತ್ಯ ಸಮ್ಮೇಳನ

ದಾವಣಗೆರೆ: ಹೆಣ್ಣುಮಕ್ಕಳು ಹುಟ್ಟುವ ಮುನ್ನವೇ ಭ್ರೂಣಹತ್ಯೆ ನಡೆಯುತ್ತಿದೆ. ಹುಟ್ಟಿದ ಬಳಿಕವೂ ಜೀವನದಲ್ಲಿ ಸರಣಿ ಸಮಸ್ಯೆಗಳು ಎದುರಾಗುತ್ತವೆ. ಇದರ ವಿರುದ್ಧ ಮಹಿಳಾ ಸಾಹಿತಿಗಳು ಧ್ವನಿ ಎತ್ತಬೇಕು ಎಂದು ರಾಜ್ಯ ಮಹಿಳಾ ಆಯೋಗದ ಅಧ್ಯಕ್ಷೆ ನಾಗಲಕ್ಷ್ಮೀ ಚೌಧರಿ ಹೇಳಿದರು.

ಬಾಪೂಜಿ ಸಂಸ್ಥೆ ಕಿರುವಾಡಿ ಗಿರಿಜಮ್ಮ, ಜಯಮ್ಮ ನೀಲಗುಂದ, ವೀಣಾ ಕೃಷ್ಣಮೂರ್ತಿ, ತಿಪ್ಪಮ್ಮ ಚಿಕ್ಕಮ್ಮನಹಟ್ಟಿ ದೇವೇಂದ್ರಪ್ಪ, ಎ.ಜೆ. ನೀತಾ ಬಿ.ಇ. ರಂಗಸ್ವಾಮಿ, ನೀಲಾಂಬಿಕೆ, ಎಂ.ಎಸ್. ಸುನಂದಾದೇವಿ ಸಂಗಮೇಶ್ವರ ಗೌಡ್ರು, ವೀಣಾ ನಂಜಪ್ಪ, ಹೇಮಾ ಶಾಂತಪ್ಪ ಪೂಜಾರಿ, ಸುಮತಿ ಜಯಪ್ಪ ಇತರರಿದ್ದರು.

ಉದ್ಘಾಟಕರಿಗೂ ಮುನ್ನ ಶಾಸಕ ಹಾಗೂ ಜಿಲ್ಲಾಧ್ಯಕ್ಷ ಮಾತನಾಡಿದಾಗ ನಾಗಲಕ್ಷ್ಮೀ ಚೌಧರಿ ಮಾತಿನಲ್ಲೇ ತಿವಿದರು. ಮಹಿಳಾ ಸಮಾವೇಶದಲ್ಲೂ ಪುರುಷರು ನಮಗೆ ಕೆಲಸ ಇದೆ, ತಾವೇ ಮೊದಲು ಮಾತನಾಡಬೇಕೆಂದು ಬಯಸುತ್ತಾರೆ. ಗಂಡಸ್ತನ ಎಂದರೆ ಮಹಿಳೆಯರನ್ನು ಗೌರವಿಸುವುದು, ಶಿವ-ಪಾರ್ವತಿಯರಂತೆ ಅರ್ಧನಾರೀಶ್ವರರಾಗಿ ಇರುವುದಾಗಿದೆ. ಬದಲಾಗಿ ಹೆಣ್ಣು ಹಿಂದೆ ಬಿಟ್ಟು ಮುಂದೆ ಹೋಗುವುದಿಲ್ಲ ಎಂದು ಕುಟುಕಿದರು.