1983ರಲ್ಲಿ ಆರಂಭಗೊಂಡ ಈ ಕಿರು ಮೃಗಾಲಯವು ಕರ್ನಾಟಕ ರಾಜ್ಯ ಮೃಗಾಲಯ ಪ್ರಾಧಿಕಾರದ ವ್ಯಾಪ್ತಿಗೆ ಒಳಪಟ್ಟಿದ್ದು, 15ರಿಂದ 16 ಎಕರೆ ವಿಶಾಲವಾದ ಮೀಸಲು ಅರಣ್ಯ ಪ್ರದೇಶದಲ್ಲಿದೆ. ಸದ್ಯ ಇಲ್ಲಿ 180ಕ್ಕೂ ಹೆಚ್ಚು ಜಿಂಕೆಗಳು, 32 ಕೃಷ್ಣಮೃಗಗಳು, 2 ಸ್ಲಾಥ್ ಕರಡಿಗಳು, 6 ನವಿಲುಗಳು ಸೇರಿ ಸಿಲ್ವರ್ ಫಿಸೆಂಟ್, ಲವ್ ಬರ್ಡ್ಸ್, ಗಿಳಿ, ಕಾಡುಕೋಳಿಗಳು ಹಾಗೂ ಇತರ ಪಕ್ಷಿಗಳಿವೆ. ಇಲ್ಲಿ ತಂಪಾದ ವಾತಾವರಣ ಇರುವುದರಿಂದ ಮಕ್ಕಳು ಆಟಿಕೆಗಳಲ್ಲಿ ಆಟ ಆಡುತ್ತಾರೆ. ವಾರಾಂತ್ಯದಲ್ಲಿ 100 ರಿಂದ 150ಕ್ಕೂ ಹೆಚ್ಚು ಪ್ರವಾಸಿಗರು ಭೇಟಿ ನೀಡುತ್ತಾರೆ. ಟಿಕೆಟ್ ದರ 20 ರೂ, ಮಕ್ಕಳಿಗೆ 10 ರೂ, ಬೈಕ್ ನಿಲುಗಡೆಗೆ 20, ಕಾರುಗಳಿಗೆ 50, ಮತ್ತು ಮಿನಿ ಬಸ್ಗಳಿಗೆ 75 ರೂ. ನಿಗದಿ ಮಾಡಿದ್ದಾರೆ.
