ದುಶ್ಚಟ ಆರೋಗ್ಯಕ್ಕೆ ಕಂಟಕ Health camp

ಪಟ್ಟಣದ ಟಿಪ್ಪು ಸರ್ಕಲ್ ಕೌಸರ್ ಮಸೀದಿ ಬಳಿಯ ಸರ್ಕಾರಿ ಉರ್ದು ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಶನಿವಾರ ಅಂಜುಮನ್ ಎ ಮುಸ್ಲಿಮೀನ್ ಕಮಿಟಿ ಹಾಗೂ ಶಿವಮೊಗ್ಗ ಸುಬ್ಬಯ್ಯ ಮೆಡಿಕಲ್ ಕಾಲೇಜು ಸಹಯೋಗದಲ್ಲಿ ಹಮ್ಮಿಕೊಂಡಿದ್ದ ಉಚಿತ ಆರೋಗ್ಯ ಶಿಬಿರ ಉದ್ಘಾಟಿಸಿ ಮಾತನಾಡಿದರು.

ಪಾಲಕರು, ದುಡಿದ ಹಣವನ್ನು ಮಕ್ಕಳ ಶ್ರೇಯಸ್ಸಿಗೆ ಬಳಸುತ್ತಾರೆ. ನಾವು ಎಲ್ಲರಂತೆ ಸುಂದರ ಬದುಕು ಕಟ್ಟಿ ಕೊಳ್ಳಬೇಕು ಎನ್ನುವ ಆಸೆ ಹೊಂದಿರುತ್ತಾರೆ. ಆದ್ದರಿಂದ ಮಕ್ಕಳು ಪಾಲಕರ ಆಸೆ ಪೂರೈಸುವ ಕೆಲಸ ಮಾಡಬೇಕೇ ಹೊರತು ಮೋಜು- ಮಸ್ತಿ, ದುಶ್ಚಟಗಳಿಗೆ ದಾಸರಾಗಬಾರದು ಎಂದರು.

ಸಾಧನೆಯ ಹಾದಿ ಸುಲಭವಲ್ಲ. ಕಲಿಯುವುದು ಬಹಳಷ್ಟಿದೆ, ಎಲ್ಲವನ್ನೂ ಕಲಿತಿದ್ದೇವೆ ಎಂದು ಮೈಮರೆತು ಬೀಗುವ ಬದಲು ಕಲಿಯುವತ್ತ ಗಮನಹರಿಸಿ ಯಶಸ್ಸು ಸಾಧಿಸಿದರೆ ಎಲ್ಲರೂ ಪ್ರೀತಿ- ಗೌರವದಿಂದ ಕಾಣುತ್ತಾರೆ. ಬುದ್ಧ, ಬಸವ, ಅಂಬೇಡ್ಕರ್ ಅವರ ಆದರ್ಶಗಳನ್ನು ಜೀವನದಲ್ಲಿ ಅಳವಡಿಸಿಕೊಂಡು ಮನೆ ಮತ್ತು ನಂಬಿದವರಿಗೆ ಆದರ್ಶವಾಗಿದ್ದರೆ ಬದುಕು ಸಾರ್ಥಕ್ಯ ಪಡೆಯುತ್ತದೆ ಎಂದು ಹೇಳಿದರು.

ಕೌಸರ್ ಮಸೀದಿ ಪ್ರಧಾನ ಧರ್ಮಗುರು ಮೌಲಾನ ಮಹ್ಮದ್ ಸಾಲೀಮ್ ಸಾಬ್ ಮಾತನಾಡಿ, ಇತ್ತೀಚೆಗೆ ಮನುಷ್ಯ ಹಣ ಮತ್ತು ಸಂಪತ್ತು ಗಳಿಸುವ ಪ್ರಯತ್ನದಲ್ಲಿ ಆರೋಗ್ಯ ಹಾಳುಮಾಡಿಕೊಂಡು ದಿನನಿತ್ಯ ಆಸ್ಪತ್ರೆ, ಮಾತ್ರೆಗಳಿಗೆ ಹಣ ಖರ್ಚು ಮಾಡುತ್ತಿದ್ದಾನೆ ಎಂದರು.